ബോളിവുഡിലെ ഒരുകാലത്തെ ആന്‍ഗ്രി യങ് മാനായിരുന്നു സഞ്ജയ് ദത്ത്. മികച്ച അഭിനയത്തിലൂടെ മാത്രമല്ല വിവാദങ്ങളിലൂടെയും താരം വാര്‍ത്തകളില്‍ നിറഞ്ഞു. ഇപ്പോഴും ഇന്ത്യന്‍ സിനിമയിലെ ശക്തമായ സാന്നിധ്യമാണ് സഞ്ജയ് ദത്ത്. ബോളിവുഡില്‍ മാത്രമല്ല തെന്നിന്ത്യയിലും താരം നിറഞ്ഞുനില്‍ക്കുകയാണ്.
ഇപ്പോള്‍ ശ്രദ്ധ നേടുന്നത് അമ്മ നര്‍ഗിസ് ദത്തിനെക്കുറിച്ചുള്ള താരത്തിന്റെ ഓര്‍മകളാണ്. മാതാപിതാക്കള്‍ എന്നും നമ്മുടെ കൂടെയുണ്ടാകുമെന്ന് കരുതരുത് എന്നാണ് താരം പറഞ്ഞത്. റിയാലിറ്റി ഷോ ആയ ഇന്ത്യന്‍ ഐഡല്‍ സീസണ്‍ 14ല്‍ എത്തിയപ്പോഴായിരുന്നു താരത്തിന്റെ തുറന്നുപറച്ചില്‍.
ചിലസമയങ്ങളില്‍ നമ്മള്‍ മാതാപിതാക്കളെ നിസ്സാരമായി കാണും. അവര്‍ എന്നും കൂടെയുണ്ടാകുമെന്ന് കരുതും. എന്റെ അമ്മ എന്നോട് പറഞ്ഞ കാര്യങ്ങളാണ് എനിക്ക് ഓര്‍മ വരുന്നത്. അമ്മയ്‌ക്കൊപ്പം സമയം ചെലവഴിക്കാനും കൂടെ ഇരിക്കാനുമാണ് പറഞ്ഞത്. എന്നാണ് പോവുന്നത് എന്ന് അമ്മയ്ക്ക് അറിയില്ലായിരുന്നു. അമ്മയ്‌ക്കൊപ്പം അധികം സമയം ചെലവഴിക്കാനായില്ല എന്നതില്‍ എനിക്ക് കുറ്റബോധമുണ്ട്. ദിവസം കുറച്ചു മണിക്കൂറുകള്‍ അമ്മയ്‌ക്കൊപ്പം ചെലവഴിച്ചിരുന്നെങ്കില്‍ ചിലപ്പോള്‍ എനിക്ക് ഈ വിഷമം ഉണ്ടാകില്ലായിരുന്നു.- സഞ്ജയ് ദത്ത് പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
