ആരാധകര് കാത്തിരിക്കുന്ന ചിത്രമാണ് കോക്ടെയ്ല് 2. ഷാഹിദ് കപൂര്, കൃതി സനോണ്, രശ്മിക മന്ദാന എന്നിവര് പ്രധാന വേഷങ്ങളിലെത്തുന്ന ചിത്രം. സിനിമയുടെ ട്രെയിലറും പാട്ടുകളുമെല്ലാം ചര്ച്ചയായി മാറിയിരിക്കുകയാണ്. ഇതിനിടെ ചിത്രത്തില് ലെസ്ബിയന് പ്രണയകഥയാണ് അവതരിപ്പിക്കുന്നതെന്ന് റിപ്പോര്ട്ടുകളുണ്ട്. ഇതിനോട് പ്രതികരിക്കുകയാണ് നടിമാരായ കൃതിയും രശ്മികയും.
സിനിമയുടെ പ്രൊമോഷന് പരിപാടിയില് നിന്നുള്ള കൃതിയുടേയും രശ്മികയുടേയും വിഡിയോ സോഷ്യല് മീഡിയയില് വൈറലാവുകയാണ്. സദസില് നിന്നും താരങ്ങളോട് കോക്ടെയ്ല് 2 ലെസ്ബിയന് പ്രണയകഥയാണോ എന്ന് ചോദിക്കുകയായിരുന്നു. ചോദ്യം കേട്ടതും രശ്മിക പൊട്ടിച്ചിരിച്ചു. ഉടനെ തന്നെ കൃതി ഇടപെട്ടു.
ഇതില് ലെസ്ബിയന് പ്രണയമില്ല എന്ന് കൃതി വ്യക്തമാക്കി. ഉടനെ ഞങ്ങള്ക്കിടയില് അങ്ങനൊരു കെമിസ്ട്രി ഉണ്ടെന്ന് അറിയാമെന്ന് രശ്മിക തമാശയായി പറയുന്നുണ്ട്. പിന്നാലെ തന്നെ, ഞങ്ങള് മൂന്ന് പേരുടേയും കഥാപാത്രങ്ങള് സ്ട്രെയിറ്റ് ആണെന്നും ലെസ്ബിയന് കഥയല്ലെന്നും കൃതി വ്യക്തമാക്കി. ഇതൊരു ഇമോഷണല് ത്രീസം ആണെന്നും അല്ലാതെ ഫിസിക്കല് അല്ലെന്നും കൃതി തമാശയായി പറഞ്ഞു.
2012 ല് പുറത്തിറങ്ങിയ കോക്ടെയ്ലിന്റെ രണ്ടാം ഭാഗമാണ് കോക്ക്ടെയ്ല് 2. എന്നാ ആദ്യ ഭാഗത്തിന്റെ തുടര്ച്ചയല്ല. സ്പിരിച്വല് സ്വീകല് മാത്രമാണ് കോക്ടെയ്ല് 2. ആദ്യ ഭാഗത്തില് സെയ്ഫ് അലി ഖാനും ദീപിക പദുക്കോണും ഡയാന പെന്റിയുമായിരുന്നു പ്രധാന വേഷത്തില്. ദീപികയുടെ കരിയറില് വഴിത്തിരിവായ ചിത്രമായിരുന്നു കോക്ടെയ്ല്. ഹോമി അദജാനിയയാണ് രണ്ട് ഭാഗങ്ങളുടേയും സംവിധായകന്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
