ഇരട്ടത്തലയുള്ള ആ ഒറ്റവാക്ക്; പൃഥ്വിരാജിന്റെ 'തീർപ്പ്'; ടീസർ പുറത്ത്

പൃഥ്വിരാജ് പ്രധാന വേഷത്തിലെത്തുന്ന തീർപ്പിലെ ആദ്യത്തെ ടീസർ പുറത്ത്. ശക്തമായ ഡയലോ​ഗിനൊപ്പമാണ് ടീസർ എത്തിയത്. ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്ന ഇന്ദ്രജിത്ത്, വിജയ് ബാബു, സൈജു കുറുപ്പ്, ഇഷ തൽവാർ, ഹന്ന റെജി കോശി എന്നിവരെയാണ് ടീസറിൽ കാണുന്നത്. മുരളി ​ഗോപിയുടെ തിരക്കഥയിൽ രതീഷ് അമ്പാട്ടാണ് തീർപ്പ് സംവിധാനം ചെയ്യുന്നത്. 

ചിത്രത്തിലെ ടാ​ഗ്ലൈനായ ‘വിധിതീർപ്പിലും പകതീർപ്പിലും ഒരുപോലെ കുടിയേറിയ ഇരുതലയുള്ള ആ ഒറ്റവാക്ക് എന്ന ഡയലോ​ഗാണ് ടീസറിൽ മുഴങ്ങിക്കേൾക്കുന്നത്. എന്തായാലും ആരാധകർക്കിടയിൽ ശ്രദ്ധനേടുകയാണ് ടീസർ. നിരവധി പേരാണ് പൃഥ്വിരാജിന് ആശംസകളുമായി എത്തിയിരിക്കുന്നത്.

 ഫ്രൈഡേ ഫിലിം ഹൗസിന്റെ ബാനറിൽ വിജയ് ബാബു ആണ് നിർമാണം. ഹോം സിനിമയ്ക്കു ശേഷം ഫ്രൈഡേയുടെ ബാനറിൽ റിലീസിനൊരുങ്ങുന്ന ചിത്രം കൂടിയാണിത്. കമ്മാരസംഭവത്തിനു ശേഷം മുരളി ​ഗോപിയും രതീഷ് അമ്പാട്ടും ഒന്നിക്കുന്ന ചിത്രമാണ് ഇത്. സിനിമയുടെ ചിത്രീകരണം പൂർത്തിയാക്കി. സിനിമയുടെ റിലീസ് തിയതി വരും ദിവസങ്ങളിൽ പ്രഖ്യാപിക്കും.

ഈ വാര്‍ത്ത കൂടി വായിക്കാം 

ബറോസിന് പാക്കപ്പ്, ഇനി കാത്തിരിപ്പ്; അണിയറ പ്രവർത്തകർക്കൊപ്പമുള്ള ചിത്രം പങ്കുവച്ച് മോഹൻലാൽ​

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ