അമ്മയുടെ മുഖം ആദ്യമായി കണ്ടത് അവരുടെ കയ്യിൽ കിടന്ന്; നഴ്സുമാർക്ക് ആദരവുമായി രമേഷ് പിഷാരടി

ലോകം സമാനതകളില്ലാത്ത ദുരന്തത്തിലൂടെ കടന്നുപോകുമ്പോൾ പോരാട്ടത്തിന്റെ മുൻനിരയിലാണ് നഴ്സുമാരുടെ സ്ഥാനം. ഒരു വർഷത്തിലേറെയായി കോവിഡിനോട് പോരാടിക്കൊണ്ടിരിക്കുകയാണ് അവർ. ഇന്ന് നഴ്സസ് ദിനത്തിൽ ഭൂമിയിലെ മാലാഖമാർക്ക് ആശംസകളുമായി നിരവധി പേരാണ് എത്തുന്നത്. നടൻ രമേഷ് പിഷാരടിയുടെ പോസ്റ്റാണ് ശ്രദ്ധ നേടുന്നത്. 

ഭൂമിയിലെ തന്റെ ആദ്യ ദിവസത്തെക്കുറിച്ചാണ് താരം കുറിക്കുന്നത്. 'അമ്മയുടെ മുഖം ഞാൻ  ആദ്യമായി കണ്ടത് ഒരു നേഴ്സിന്റെ കൈയിൽ കിടന്നായിരിക്കാം ..അതാണ്  തുടക്കം...അവരോടുള്ള ആദരവിന്‌ അവസാനമില്ല'- പിഷാരടി കുറിച്ചു. കാറിൽ നിന്നുള്ള ഒരു സൂര്യാസ്തമയ ചിത്രത്തിനൊപ്പമാണ് താരത്തിന്റെ കുറിപ്പ്.