മൈക്കിള് ജാക്സണ് ചുവടുകളുമായി സോഷ്യല് മീഡിയയുടെ കയ്യടി നേടി ഗായിക റിമി ടോമി. സ്റ്റേജില് ആടിയും പാടിയും കയ്യടി നേടാറുള്ള റിമി ടോമി സോഷ്യല് മീഡിയയിലും ഡാന്സിലൂടെ കയ്യടി നേടുകയാണ്. മൈക്കിള് ജാക്സന്റെ പ്രശസ്തമായ ബീറ്റ് ഇറ്റ് എന്ന പാട്ടിനാണ് റിമി ടോമി ചുവടുവെക്കുന്നത്.
വിദേശ രാജ്യത്ത് വച്ചാണ് റിമി റീല് ചിത്രീകരിച്ചിരിക്കുന്നത്. 'ഞാനൊരു പ്രൊഫഷണല് നര്ത്തകിയല്ല. മൈക്കിള് ജാക്സന്റെ കടുത്ത ആരാധിക മാത്രം' എന്ന കുറിപ്പോടെയാണ് റിമി വിഡിയോ പങ്കുവച്ചിരിക്കുന്നത്. കറുപ്പ് നിറത്തിലുള്ള വസ്ത്രങ്ങളും കൂളിങ് ഗ്ലാസും ധരിച്ചാണ് റിമിയുടെ ഡാന്സ്.
വിഡിയോ വൈറലായതോടെ കമന്റുകളുമായി താരങ്ങളും ആരാധകരുമെത്തി. നമുക്ക് പിന്നെ എന്തും പോകും, റിമി തീ എന്നിങ്ങനെയാണ് സോഷ്യല് മീഡിയ കമന്റുകള്. തമാശയായി പാവങ്ങളുടെ മൈക്കിള് ജാക്സണ് എന്നും ചിലര് കമന്റ് ചെയ്യുന്നുണ്ട്. ഇതിനിടെ തന്നെ കളിയാക്കാന് വന്നയാള്ക്ക് റിമി നല്കിയ മറുപടിയും ശ്രദ്ധ നേടുകയാണ്.
'ഇത് വേണ്ടായിരുന്നു. ഒത്തില്ല' എന്നായിരുന്നു പരിഹാസ കമന്റ്. ഉടനെ തന്നെ റിമി മറുപടിയുമായെത്തി. 'തല്ക്കാലം ഇത്രയും ഒത്താല് മതി' എന്നായിരുന്നു റിമിയുടെ മറുപടി. താരത്തിന് പിന്തുണയുമായി ആരാധകരുമെത്തി. മത്സരം ഒന്നുമല്ലല്ലോ ചേച്ചി ക്ഷമി എന്നായിരുന്നു സോഷ്യല് മീഡിയയുടെ പ്രതികരണം.
ഗായികയായും അവതാരകയായും കയ്യടി നേടിയിട്ടുണ്ട് റിമി ടോമി. അഭിനയത്തിലും കൈ വച്ചിട്ടുണ്ട്. റിയാലിറ്റി ഷോ വിധി കര്ത്താവായും റിമി നിറ സാന്നിധ്യമാണ്. സിനിമകളിലെ പിന്നണി ഗാനങ്ങള് പാടുന്നത് പോലെ തന്നെ സ്റ്റേജ് ഷോകളിലെ തീപ്പൊരി പ്രകടനങ്ങളിലൂടേയും റിമി ആരാധകരെ നേടിയിട്ടുണ്ട്. നിലവില് യുകെയില് സ്റ്റേജ് പരിപാടി അവതരിപ്പിക്കാനെത്തിയിരിക്കുകയാണ് റിമി ടോമി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
