'പല ദിവസങ്ങളിലും ഞാൻ രാത്രി ഒറ്റയ്ക്ക് കരഞ്ഞിട്ടുണ്ട്; പക്ഷേ പിറ്റേദിവസം നമുക്ക് പുതിയൊരു ദിവസമാണ്'

ഒരുപാട് വിഷമപരമായ സാഹചര്യങ്ങൾ കൈകാര്യം ചെയ്യേണ്ട സ്ഥലമാണ് സിനിമയെന്ന് നടൻ ഷൈൻ ടോം ചാക്കോ. പല സമയങ്ങളിലും നമ്മൾ നിരാശരായി പോകുമെന്നും അദ്ദേഹം പറഞ്ഞു. "ഒരുപാട് വിഷമപരമായ സാഹചര്യങ്ങൾ കൈകാര്യം ചെയ്യേണ്ട സ്ഥലമാണ് സിനിമ. നമ്മൾ നിരാശരായി പോകും ഒരുപാട് സമയങ്ങളിൽ.

അസിസ്റ്റന്റ് ഡയറക്ടറായി വർക്ക് ചെയ്തിരുന്ന കൊണ്ട് എനിക്കറിയാം, കാരണം ഞാൻ പല ദിവസങ്ങളിലും രാത്രി ഒറ്റയ്ക്ക് കരഞ്ഞിട്ടുണ്ട്. ആരോടും പറഞ്ഞിട്ടില്ല, അന്നൊന്നും ആരോടും പറയില്ല, പറയേണ്ട കാര്യവുമില്ല.

പക്ഷേ പിറ്റേദിവസം നമുക്ക് പുതിയൊരു ദിവസമാണ്. അതൊക്കെ ആൾക്കാർ മറന്നിട്ടുണ്ടാകും. നമുക്ക് പുതിയ അവസരങ്ങൾ കിട്ടും. ഇതെനിക്ക് അറിയാവുന്നതു കൊണ്ട് എനിക്ക് എത്ര പ്രശ്നങ്ങളുണ്ടായാലും പ്രശ്നമില്ല. കാര്യം എനിക്ക് ചെയ്യാനുണ്ട് അല്ലെങ്കിൽ അടുത്ത അവസരം വരും എന്നറിയാം.

പക്ഷേ പുതിയതായി വരുന്ന ആളുകൾക്ക് ഇത് അറിയണമെന്നില്ല. ഒരുപാട് പേരെ നിരാശരായി ഞാൻ കണ്ടിട്ടുണ്ട്".- ഷൈൻ ടോം ചാക്കോ സൈന സൗത്ത് പ്ലസിന് നൽകിയ അഭിമുഖത്തിൽ പറഞ്ഞു. 'പിന്നാലെ'യാണ് ഷൈനിന്റേതായി റിലീസിനൊരുങ്ങുന്ന ചിത്രം.