ചെന്നൈ: തമിഴ് നടൻ മോഹൻ തെരുവിൽ മരിച്ച നിലയിൽ. 60 വയസ്സായിരുന്നു. മധുരയിലെ തിരുപ്പരൻകുണ്ഡ്രം പ്രദേശത്തെ തെരുവിലാണ് മോഹനെ മരിച്ച നിലയിൽ കണ്ടെത്തിയത്. കമൽഹാസന്‍റെ സൂപ്പർഹിറ്റ് ചിത്രം ‘അപൂർവ്വ സഹോദങ്ങൾ’ എന്ന സിനിമയിലൂടെ ശ്രദ്ധേയനായ താരമാണ് മോഹൻ.
കടുത്ത ദാരിദ്ര്യത്തിലായിരുന്ന നടൻ കഴിഞ്ഞ കുറച്ചു കാലമായി ഭിക്ഷാടനം നടത്തിയാണ് ഉപജീവനം കഴിച്ചിരുന്നതെന്നാണ് റിപ്പോർട്ടുകൾ. പത്തു വർഷം മുമ്പ് ഭാര്യ മരിച്ചു. ഇതേത്തുടർന്ന് ഒറ്റപ്പെട്ട നടൻ, സിനിമകളിലും അവസരം ലഭിച്ചിരുന്നില്ല. തുടർന്ന് തിരുപ്പരൻകുണ്ഡ്രത്തെത്തിയ മോഹൻ ഭിക്ഷാടനം നടത്തിയാണ് ജീവിച്ചു വന്നത്.
1980 കളിലെയും 1990 കളിലെയും സിനിമകളിൽ ഹാസ്യകഥാപാത്രമായി മോഹൻ തിളങ്ങിയിരുന്നു. ‘അപൂർവ സഹോദരങ്ങൾ’ എന്ന ചിത്രത്തിൽ കമൽഹാസൻ അവതരിപ്പിച്ച അപ്പുവിന്റെ സുഹൃത്തായിട്ടാണ് മോഹൻ വേഷമിട്ടത്.
ആര്യയെ നായകനാക്കി അത്ഭുത മനിതർകൾ, ബാലയുടെ നാൻ കടവുൾ എന്നിവയുൾപ്പെടെ ഏതാനും ചിത്രങ്ങളിലും മോഹൻ ശ്രദ്ധേയവേഷങ്ങൾ ചെയ്തു. ജൂലായ് 31-ന് ഇദ്ദേഹത്തെ റോഡിൽ മരിച്ച നിലയിൽ കണ്ട നാട്ടുകാരാണ് പൊലീസിൽ വിവരമറിയിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
