മുംബൈ: ഭയത്തെ അതിജീവിക്കാന്‍ അര്‍ബുദം സഹായിച്ചുവെന്ന് ബോളിവുഡ് താരം സൊനാലി ബിന്ദ്ര. ജീവിച്ചിരിക്കുന്നുവെന്നതാണ് ഏറ്റവും വലിയ കാര്യം. യാത്ര ഇനിയുമേറെ തുടരാനുണ്ടെന്നും താരം പറഞ്ഞു. ഭയവും ആശങ്കകളും ജീവിതത്തില്‍ പലപ്പോഴും അലട്ടിയിട്ടുണ്ട്. എന്നാല്‍ അര്‍ബുദം തിരിച്ചറിഞ്ഞതോടെ എങ്ങനെയും ജീവിതത്തിലേക്ക് തിരികെ വരണമെന്ന വാശിയായി മാറി.
രോഗം സ്ഥിരീകരിച്ചപ്പോള്‍ ആദ്യം വലിയ നടുക്കമായിരുന്നു. എന്ത് കൊണ്ടാണ് എനിക്ക് ഇങ്ങനെ വന്നതെന്നായിരുന്നു ആദ്യം ചിന്തിച്ചത്. മനഃശാസ്ത്രജ്ഞയെ കണ്ടതാണ് ആത്മവിശ്വാസം വീണ്ടെക്കാന്‍ സഹായിച്ചതെന്നും താരം വെളിപ്പെടുത്തി. തുറന്ന് സംസാരിച്ചു കഴിഞ്ഞപ്പോള്‍ വലിയ ഭാരം ഒഴിഞ്ഞ് പോയതു പോലെ തോന്നി. കുടുംബവും സുഹൃത്തുക്കളുമാണ് അര്‍ബുദത്തിനെതിരെയുള്ള പോരാട്ടത്തില്‍ തന്റെ കരുത്തായി നിലകൊണ്ടതെന്നും ലോകത്തോട് കടപ്പെട്ടിരിക്കുന്നുവെന്നും താരം പറഞ്ഞു.
ആറ് മാസത്തിലേറെയാണ് ആത്മവിശ്വാസത്തോടെ സൊനാലി അര്‍ബുദത്തെ ചെറുത്ത് നിന്നത്. രോഗത്തെ അതിജീവിച്ച സൊനാലിക്ക് ഇന് തുടര്‍ ചെക്കപ്പുകള്‍ മാത്രമാണ് ഉള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
