'കൈയിലിരിപ്പുകൊണ്ട് കെട്ടു കെട്ടിച്ചു വിട്ടു, പിന്നെ പൊങ്ങിയത് ദുഫായിൽ'; മിഥുന് ഭാര്യയുടെ വക പിറന്നാൾ വിഡിയോ 

നടനും അവതാരകനുമൊക്കെയായി ആരാധകരേറെയുള്ള താരമാണ് മിഥുൻ രമേശ്. പിറന്നാളിന് മിഥുന് ആശംസകൾ നേർന്ന് ഭാര്യയും അവതാരകയുംമായ ലക്ഷ്മി ഒരുക്കിയ വിഡിയോയാണ് ഇപ്പോൾ സമൂ​ഹമാധ്യമങ്ങളിൽ വൈറലാകുന്നത്. മിഥുന്റെ ആദ്യകാല സിനിമാ രം​ഗങ്ങളും പാളിപ്പോയ പാചക പരീക്ഷണങ്ങളും ഒക്കെ ചേർത്ത് രസകരമായ വിഡിയോയാണ് ലക്ഷമി പങ്കുവച്ചിരിക്കുന്നത്. 

സെലിബ്രിറ്റികളും ആരാധകരുമടക്കം നിരവധിപ്പേർ താരത്തിന് ജന്മദിനാശംസകൾ നേർന്നുകൊണ്ട് എത്തിയിട്ടുണ്ട്. ലക്ഷമി മിഥുനെ ട്രോളി കൊന്നു എന്നാണ് പലരുടെയും അഭിപ്രായം. 

ഫാസിലിന്റെ ലൈഫ് ഈസ് ബ്യൂട്ടിഫുൾ എന്ന ചിത്രത്തിലൂടെ അഭിനയത്തിലേക്കെത്തിയ മിഥുൻ സൂര്യകാന്തി എന്ന സീരിയലിലൂടെ മിനി സ്ക്രീനിലും തിളങ്ങി. നമ്മൾ, ഗൗരിശങ്കരം, വെട്ടം, ഡയമണ്ട് നെക്ളേസ്, റൺ ബേബി റൺ, നീ കോ ഞാ ചാ, പത്തേമാരി, കുട്ടൻപിള്ളയുടെ ശിവരാത്രി തുടങ്ങി നിരവധി ചിത്രങ്ങളിൽ മിഥുൻ അഭിനയിച്ചിട്ടുണ്ട്. അടുത്തിടെ മിഥുൻ നായകനായി എത്തിയ ചിത്രമായിരുന്നു ജിമ്മി ഈ വീടിന്റെ ഐശ്വര്യം. റേഡിയോയിലും ടി വി പരിപാടികളിലും അവതാരകനായി തിളങ്ങുകയാണ് മിഥുൻ ഇപ്പോൾ.