വിസ നിയമലംഘനം; കുവൈത്തിൽ 269 പ്രവാസികളെ പിടികൂടി

കുവൈത്ത് സിറ്റി: രാജ്യത്ത് അനധികൃതമായി തുടരുന്നവർക്കെതിരെ കർശന നടപടിയുമായി കുവൈത്ത്. വിവിധ ഇടങ്ങളിൽ നടത്തിയ പരിശോധനയിൽ 269 പേ​രെ അ​റ​സ്റ്റ് ചെ​യ്ത​താ​യി ആ​ഭ്യ​ന്ത​ര മ​ന്ത്രാ​ല​യം അറിയിച്ചു. താ​മ​സ,തൊ​ഴി​ൽ നി​യ​മ​ങ്ങ​ൾ ലം​ഘി​ക്കു​ന്ന​വ​രെ പി​ടി​കൂ​ടു​ക എ​ന്ന ല​ക്ഷ്യ​ത്തോ​ടെ വരും ദിവസങ്ങളിലും ഗ​വ​ർ​ണ​റേ​റ്റി​ലു​ട​നീ​ളം പരിശോധന നടത്തുമെന്ന് അധികൃതർ വ്യക്തമാക്കി.

തൊ​ഴി​ൽ നി​യ​മ​ങ്ങൾ ലംഘിച്ച 202 പേരെയും റെ​സി​ഡ​ൻ​സി പെ​ർ​മി​റ്റു​ക​ളുടെ കാലാവധി അവസാനിച്ച 29 പേ​രെയും തൊഴിലുടമകളിൽ നിന്ന് ഒ​ളി​ച്ചോ​ടി​യ 25 പേ​രേയുമാണ് പിടികൂടിയതെന്ന് പൊലീസ് അറിയിച്ചു. ക്രി​മി​ന​ൽ കേസുകളിലെ പ്രതികളായ നാ​ല് പേരെയും ഭി​ക്ഷാ​ട​ന കേ​സു​ക​ളിൽ രണ്ട് പേരെയും തി​രി​ച്ച​റി​യ​ൽ രേ​ഖ​ക​ളി​ല്ലാ​ത്ത ഒ​രാ​ളെ​യും അ​ധി​കൃ​ക​സ്റ്റ​ഡി​യി​ലെ​ടു​ത്തിട്ടുണ്ട്. പിടിയിലായവരെ തുടർ നടപടികൾക്കായി ബന്ധപ്പെട്ട വകുപ്പിന് കൈമാറി.

ഗതാഗത നിയമലംഘനങ്ങൾ കണ്ടെത്താൻ ആരംഭിച്ച പ്രത്യേക ക്യാമ്പയിനിലൂടെ 93 വാഹനങ്ങൾ പിടിച്ചെടുക്കുകയും നിരവധിപേർക്കെതിരെ നിയമ നടപടി സ്വീകരിച്ചതായും അധികൃതർ അറിയിച്ചു. പ്രാ​ദേ​ശി​ക ക​മാ​ൻ​ഡ​ർ​മാ​ർ, വ​കു​പ്പു​ക​ൾ, ഓപ്പറേഷൻ യൂണി​റ്റു​ക​ൾ എ​ന്നി​വ​യു​ടെ പ​ങ്കാ​ളി​ത്ത​ത്തോ​ടെ​യാ​യി​രു​ന്നു പ​രി​ശോ​ധ​ന നടത്തിയത്. പൊതു സുരക്ഷാ ഉറപ്പാക്കാനും നി​യ​മ​ലം​ഘ​ന​ങ്ങ​ൾ ത​ട​യു​ന്ന​തി​നും തുടർന്നും പരിശോധനകൾ നടത്തുമെന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി.