വിമാനത്തിലൂടെ ലഹരി ഗുളികകൾ കടത്താൻ ശ്രമം; പ്രതിക്ക് തടവ് ശിക്ഷ വിധിച്ച് ബ​ഹ്‌​റൈ​ൻ കോടതി

മനാമ: വി​മാ​ന​മാ​ർ​ഗം ലഹരി ഗുളിക കടത്തിയ കേസിലെ പ്രതിക്ക് ത​ട​വ് ശി​ക്ഷ വി​ധി​ച്ച് ബ​ഹ്‌​റൈ​ൻ ഹൈ ​ക്രി​മി​ന​ൽ കോ​ട​തി. ജോർദാൻ പൗ​ര​നാ​യ 29 കാരനെയാണ് അ​ഞ്ചു​വ​ർ​ഷം ത​ട​വ് ശി​ക്ഷയ്ക്ക് വിധിച്ചത്. ഇതിന് പുറമെ ഇയാൾ 3000 ബ​ഹ്‌​റൈ​ൻ ദി​നാ​ർ പി​ഴ​യും അടക്കണമെന്ന് കോടതി ഉത്തരവിട്ടു. തടവ് ശി​ക്ഷയ്ക്ക് ശേഷം ഇയാളെ നാടുകടത്തും. പ്രതിയോ,ഇയാളെ പ്രതിനിധികരിക്കുന്ന അഭിഭാഷകനോ കോടതിയിൽ ഹാജരായിരുന്നില്ല. ഇതോടെ കോടതി കേസ് പരിഗണിച്ച ശേഷം ഉടൻ തന്നെ വിധി പറയുകയായിരുന്നു

6,40,000 ബ​ഹ്‌​റൈ​ൻ ദി​നാ​ർ (1.4 കോ​ടി രൂ​പ) രൂപ വിലമതിക്കുന്ന ലഹരി ഗുളികകളാണ് ഇയാൾ വിമാനം വഴി കടത്താൻ ശ്രമിച്ചത്. പ്ര​തി​യു​ടെ പേ​രി​ലു​ള്ള ഒ​രു പാ​ർ​സ​ലി​ൽ ലോ​ഹ, റ​ബ​ർ പൈ​പ്പു​ക​ൾ​ക്കു​ള്ളി​ൽ ഒ​ളി​പ്പി​ച്ച നി​ല​യി​ൽ ആണ് 22.15 കി​ലോ​ഗ്രാം വ​രു​ന്ന ലഹരി മ​രു​ന്ന് ഗു​ളി​ക​ക​ൾ കണ്ടെത്തിയത്. ഇയാളുടെ പേരിൽ എത്തിയ പാ​ർ​സ​ൽ വാങ്ങാൻ സഹോദരിയെ ഏൽപ്പിച്ച ശേഷം പ്രതി രാ​ജ്യം വിട്ടു.

പാ​ർ​സ​ൽ വാങ്ങാൻ എത്തിയ സഹോദരിയെ പൊലീസ് കസ്റ്റഡിയിൽ എടുത്ത് ചോദ്യം ചെയ്തിരുന്നു. പിന്നീട് കേസുമായി ഇവർക്ക് ബന്ധമില്ലെന്ന് കണ്ടെത്തിയതോടെ സഹോദരിയെ ഉദ്യോഗസ്ഥർ വിട്ടയച്ചു.

രഹസ്യവിവരത്തിന്റെ അടിസ്ഥാനത്തിൽ ആ​ന്റി നാ​ർ​കോ​ട്ടി​ക് ഡ​യ​റ​ക്ട​റേ​റ്റും ക​സ്റ്റം​സ് അധികൃതരും സം​യു​ക്ത​മാ​യി നടത്തിയ അന്വേഷണത്തിലാണ് ലഹരി മരുന്നുകൾ പിടിച്ചെടുത്തത്. പ്ര​തി​യെ ഉടൻ തന്നെ രാജ്യത്ത് എത്തിച്ചു ജയിലലടക്കുമെന്ന് അധികൃതർ വ്യക്തമാക്കി.