ഒമാനിൽ നിന്ന് ഇന്ത്യയിലേക്ക് പറക്കാൻ വെറും 5000 രൂപ ; വൻ ഓഫറുമായി സലാം എയർ

മ​സ്ക​ത്ത്: വിമാന യാത്രാ നിരക്കിൽ വൻ ഓഫറുകളാണ് സലാം എയർ എപ്പോഴും പ്രഖ്യാപിക്കാറുള്ളത്. പ്രത്യേകിച്ചും ഇന്ത്യയിലേക്കുള്ള യാത്രകൾക്ക്. അടുത്തിടെ മ​സ്ക​ത്ത് - കോഴിക്കോട് സെക്ടറിൽ വെറും 6000 രൂപയ്ക്ക് യാത്ര ചെയ്യാനുള്ള അവസരവും സലാം എയർ ഒരുക്കിയിരുന്നു. ഇപ്പോഴിതാ ഇന്ത്യയിലെ മറ്റ് നഗരങ്ങളിലേക്കും കുറഞ്ഞ ചെലവിൽ യാത്ര ചെയ്യാൻ വൻ ഓഫറാണ് സലാം എയർ പ്രഖ്യാപിച്ചിരിക്കുന്നത്.

മ​സ്‌​ക​​ത്തി​ൽ നി​ന്ന് ഡ​ൽ​ഹി,ഹൈ​ദ​രാ​ബാ​ദ്, ബാം​ഗ്ലൂ​ർ,ചെ​ന്നൈ,മും​ബൈ,ല​ഖ്‌​നൗ തുടങ്ങിയ നഗരങ്ങളിലേക്ക് ടിക്കറ്റ് നിരക്കിൽ വൻ കുറവാണ് സലാം എയർ വരുത്തിയിരിക്കുന്നത്.

മും​ബൈ​യി​ലേ​ക്ക് വെറും 4472 രൂപ (19.9 റിയാൽ) നൽകിയാൽ യാത്ര ചെയ്യാം. ഡ​ൽ​ഹി, ഹൈ​ദ​രാ​ബാ​ദ്, ബാം​ഗ്ലൂ​ർ, ചെ​ന്നൈ എ​ന്നി​വി​ട​ങ്ങ​ളി​ലേ​ക്ക് 4921രൂപ(21.9 റി​യാ​ൽ)യും, ല​ഖ്‌​നൗ​വി​ലേ​ക്ക് 6719 രൂപ (29.9 റിയാൽ)യും നൽകിയാൽ യാത്ര ചെയ്യാൻ സാധിക്കും. മ​സ്‌​ക​ത്തി​ൽ നി​ന്ന് ബം​ഗ്ലാ​ദേ​ശി​ലേ​ക്ക് ധാ​ക്ക, ചി​റ്റ​ഗോം​ഗ് എ​ന്നി​വി​ട​ങ്ങ​ളി​ലേ​ക്കും കുറഞ്ഞ നിരക്കിൽ യാത്ര ചെയ്യാൻ അധികൃതർ അവസരമൊരുക്കിയിട്ടുണ്ട്.

അടുത്തിടെ മസ്‌കത്ത്- കോഴിക്കോട് സെക്ടറിലെ സർവീസുകൾ ജൂലൈ ഏഴ് മുതൽ താത്കാലികമായി അവസാനിപ്പിച്ചിരുന്നു. പിന്നീട് ഈ തീരുമാനം കമ്പനി പിൻവലിക്കുകയും ജൂലൈ 12 മുതല്‍ സർവീസ് പുനഃരാരംഭിക്കുകയും ചെയ്തിരുന്നു.