സൗദിയിൽ രണ്ട് വർഷത്തിനിടെ വിറ്റത് 24 ലക്ഷം ഗെയിമിംഗ് കൺസോളുകൾ; ഡി​ജി​റ്റ​ൽ വ്യ​വ​സായം കുതിക്കുന്നു, നിക്ഷേപമിറക്കിയ മലയാളിക്കും നേട്ടം

റിയാദ്: സൗ​ദി അ​റേ​ബ്യ​യി​ലെ വി​ഡി​യോ ഗെ​യിം വി​പ​ണി​യി​ൽ വൻ മുന്നേറ്റം. രണ്ട് വ​ർ​ഷ​ത്തിനിടെ 24 ല​ക്ഷ​ത്തി​ല​ധി​കം വി​ഡി​യോ ഗെ​യിം ക​ൺ​സോളുകളാണ് രാജ്യത്തേക്ക് ഇ​റ​ക്കു​മ​തി ചെ​യ്തത്. ഡി​ജി​റ്റ​ൽ വ്യ​വ​സാ​യ​ങ്ങ​ളെ പ്രോ​ത്സാ​ഹി​പ്പി​ക്കുന്നതിനുള്ള സൗദിയുടെ 'വിഷൻ 2030' എന്ന പദ്ധതിയുടെ ലക്ഷ്യങ്ങളിലേക്ക് വി​ഡി​യോ ഗെ​യിം വിപണി മാറുന്നതായി അധികൃതർ അറിയിച്ചു.

നിരവധി മലയാളികൾ ഗൾഫ് രാജ്യങ്ങളിലെ വി​ഡി​യോ ഗെ​യിം വിപണിയിൽ പണം നിക്ഷേപിച്ചിട്ടുണ്ട്. വിവിധ തരം ബ്രാൻഡുകളുമായി സഹകരിച്ച് സൗദിയിൽ സ്ഥാപങ്ങൾ തുടങ്ങിയവരും ഇക്കൂട്ടത്തിലുണ്ട്. ഇവർക്ക് വൻ നേട്ടമാണ് കഴിഞ്ഞ രണ്ട് വർഷത്തിനിടെ ഉണ്ടായത്. വിഡിയോ ഗെയിം കൺസോളുകളുടെ വിൽപ്പന വർധിച്ചതോടെ ഈ മേഖലയിൽ പുതിയ തൊഴിൽ സാധ്യതകൾ ഉണ്ടാകുമെന്നാണ് വിലയിരുത്തൽ.

പ്രധാന ഗെയിമിംഗ് കൺസോൾ ആയ പ്ലേ​സ്റ്റേ​ഷ​ൻ ഉപയോഗിക്കുന്നവരുടെ കണക്കും സൗദി അധികൃതർ പുറത്തിറക്കിയിട്ടുണ്ട്. പു​രു​ഷ​ന്മാ​രി​ൽ 30.2 ശ​ത​മാ​ന​വും സ്ത്രീ​ക​ളി​ൽ 15.1 ശ​ത​മാ​ന​വു​മാ​ണ്. 10 മു​ത​ൽ 19 വ​രെ വ​യ​സ്സു​ള്ള​വ​രി​ൽ പ്ലേ​സ്റ്റേ​ഷ​ൻ ഉ​പ​യോ​ഗം 54.8 ശ​ത​മാ​ന​മാ​ണ്. 20-29 വ​യ​സ്സി​ൽ 30.8 ശ​ത​മാ​ന​വും 30-39 വ​യ​സ്സി​ൽ 23.8 ശ​ത​മാ​നം ആളുകളും പ്ലേ​സ്റ്റേ​ഷ​ൻ ഉപയോഗിക്കുന്നു എന്നാണ് വിവരം.

ഡി​ജി​റ്റ​ൽ വ്യ​വ​സാ​യ​ങ്ങ​ളെ പ്രോത്സാഹിപ്പിക്കുന്നതിന്റെ ഭാഗമായി കോടിക്കണക്കിനു രൂപ ചെലവഴിച്ചു ഇ-​സ്പോ​ർ​ട്സ് വേ​ൾ​ഡ് ക​പ്പ് സൗ​ദി അ​റേ​ബ്യ​യു​ടെ നടത്തുന്നുണ്ട്.

ഗ്ലോ​ബ​ൽ ഗെ​യി​മിം​ഗ് ഹ​ബ് എ​ന്ന നി​ല​യിൽ രാജ്യത്തെ ഉയർത്തുന്നതിന്റെ ഭാഗമായി ആണ് ഈ നടപടി. 100-ത്തി​ല​ധി​കം രാ​ജ്യ​ങ്ങ​ളി​ൽ നി​ന്നു​ള്ള 2,000-ല​ധി​കം മത്സരാർത്ഥികൾ പങ്കെടുക്കുന്ന ഇ-​സ്പോ​ർ​ട്സ് വേ​ൾ​ഡ് ക​പ്പിന്റെ സമ്മാനത്തുക 70 ദ​ശ​ല​ക്ഷം ഡോ​ള​ർ ആണ്.