ഭീ​മ​ൻ തി​മിം​ഗ​ല സ്രാ​വു​ക​ളെ തൊട്ടടുത്ത് കാണാൻ അവസരം; ഖ​ത്ത​റി​ലേക്ക് പോയാലോ?

ദോഹ: ഭീ​മ​ൻ തി​മിം​ഗ​ല സ്രാ​വു​ക​ളെ തൊ​ട്ട​ടു​ത്ത് കാ​ണാൻ ആഗ്രഹമുണ്ടോ? എന്നാൽ അതിന് അവസരമുണ്ട്. ഖ​ത്ത​റി​ന്റെ വ​ട​ക്ക​ൻ മേ​ഖ​ല​യി​ലെ തീ​ര​പ്ര​ദേ​ശമായ അ​ൽ ഷ​ഹീ​ൻ മ​റൈ​ൻ സോ​ണി​ൽ വേനൽക്കാലമാകുന്നതോടെ തി​മിം​ഗ​ല സ്രാ​വു​കൾ കൂട്ടമായി എത്താറുണ്ട്.

ഇവയിൽ ലോകത്തെ തന്നെ ഏ​റ്റ​വും വ​ലി​യ ഭീ​മ​ൻ തി​മിം​ഗ​ല സ്രാ​വു​കളുമുണ്ടാകും. ഇവയെ നമുക്കു അടുത്ത് കാണാൻ ഡിസ്കവർ ഖത്തർ എന്ന കമ്പനി അവസരമൊരുക്കുന്നുണ്ട്.

ഖ​ത്ത​ർ ടൂ​റി​സ​വു​മാ​യി സ​ഹ​ക​രി​ച്ച് ആണ് ഡി​സ്ക​വ​ർ ഖ​ത്ത​ർ ഈ അവസരം ഒരുക്കുന്നത്. വെ​യ്ൽ ഷാ​ർ​ക്ക് ടൂ​റു​ക​ളി​ലൂ​ടെ സ​മു​ദ്ര​മേ​ഖ​ല​യി​ൽ പ്ര​വേ​ശി​ക്കു​ന്ന​തി​നും ഖ​ത്ത​റി​ന്റെ സ​മു​ദ്ര വൈ​വി​ധ്യ​ങ്ങ​ൾ അ​ടു​ത്ത​റി​യു​ന്ന​തി​നു​മു​ള്ള അവസരവും നമുക്ക് ലഭിക്കും. ആ​ഡം​ബ​ര ബോട്ടുകളിൽ മ​റൈ​ൻ വി​ദ​ഗ്ധ​രു​ടെ കൂടെയാകും യാത്ര. ഇവർ തി​മിം​ഗ​ല സ്രാ​വു​ക​ളെ പറ്റിയുള്ള വിവരങ്ങളും ഇവയുടെ ആവാസ ​വ്യവസ്ഥയെപ്പറ്റിയും വിശദമായി പറഞ്ഞു തരുകയും ചെയ്യും.

വ​ലി​യ ശ​രീ​ര​മു​ണ്ടെ​ങ്കി​ലും തി​മിം​ഗ​ല സ്രാ​വു​ക​ൾ മ​നു​ഷ്യ​രെ ഉപദ്രവിക്കാറില്ല. മ​റ്റ് സ്രാ​വു​ക​ളി​ൽ​ നി​ന്ന് വ്യ​ത്യ​സ്ത​മാ​യി ഇ​വ ചെ​റി​യ ജീ​വി​ക​ളെ​യാ​ണ് ഭ​ക്ഷി​ക്കു​ന്ന​ത്. ശാ​ന്ത​മാ​യി വെ​ള്ള​ത്തി​ലൂ​ടെ നീ​ന്തി​യാ​ണ് ഇ​വ ഇ​ര തേ​ടു​ന്ന​ത് എന്ന പ്രത്യേകത കൂടി ഇവയ്ക്കുണ്ട്. എല്ലാ വർഷവും ഏ​ക​ദേ​ശം മു​ന്നൂ​റോ​ളം തി​മിം​ഗ​ല സ്രാ​വു​ക​ൾ ​ത്തു​ചേ​രു​ന്ന​തെ​ന്നാ​ണ് പ​ഠ​ന​ങ്ങ​ൾ പറയുന്നത്. ഈ യാത്രക്ക് നിങ്ങൾക്കും അവസരമുണ്ട്. അതിനായി​ www.discoverqatar.qa/wsoq  സന്ദർശിക്കുക.