കൊല്‍ക്കത്ത: പശ്ചിമ ബംഗാള്‍ ആദ്യ ഘട്ട തെരഞ്ഞെടുപ്പിന് ഇനി മൂന്ന് ദിവസം മാത്രം അവശേഷിക്കേ, ബിജെപി പ്രാദേശിക നേതാവ് ദുരൂഹ സാഹചര്യത്തില്‍ തൂങ്ങി മരിച്ച നിലയില്‍. മരണത്തിന് പിന്നില്‍ തൃണമൂല്‍ കോണ്‍ഗ്രസാണെന്ന്
ബിജെപി ആരോപിക്കുന്നു.
കൂച്ച് ബിഹാര്‍ ജില്ലയില്‍ ദിന്‍ഹതയിലാണ് സംഭവം. മണ്ഡലം പ്രസിഡന്റ് അമിത് സര്‍ക്കാരിനെയാണ് തൂങ്ങിമരിച്ച നിലയില്‍ കണ്ടെത്തിയത്. ആദ്യ ഘട്ട തെരഞ്ഞെടുപ്പിന് ഇനി മൂന്ന് ദിവസം മാത്രം അവശേഷിക്കേയാണ് സംഭവം നടന്നത്. മരണത്തിന് പിന്നില്‍ തൃണമൂല്‍ കോണ്‍ഗ്രസാണെന്ന്
ബിജെപി ആരോപിക്കുന്നു.
തൃണമൂല്‍ കോണ്‍ഗ്രസ് പ്രവര്‍ത്തകര്‍ വീട്ടില്‍ നിന്ന് വിളിച്ചു കൊണ്ടുപോയി. തുടര്‍ന്ന് അദ്ദേഹത്തെ ദുരൂഹ സാഹചര്യത്തില്‍ മരിച്ചനിലയില്‍ കണ്ടെത്തുകയായിരുന്നുവെന്ന് ബിജെപി ആരോപിക്കുന്നു. ബംഗാള്‍ രക്തക്കളമായി മാറിയതായി ബിജെപി ദേശീയ നേതാവ് അമിത് മാള്‍വിയ ട്വീറ്റ് ചെയ്തു. ബംഗാളില്‍ ബിജെപിക്ക് 130 പ്രവര്‍ത്തകരെയാണ് ഇതുവരെ നഷ്ടമായതെന്നും അദ്ദേഹം കുറിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
