വരന്‍ കൊടുത്ത മധുരപലഹാരം വധു വലിച്ചെറിഞ്ഞു, വരന്‍ വെള്ളം ഒഴിച്ചു കളഞ്ഞു; ഗ്ലാസ് അതിഥികളുടെ നേര്‍ക്ക് - വീഡിയോ 

വിവാഹവുമായി ബന്ധപ്പെട്ട് രസകരമായതും മനസിനെ പിടിച്ചുകുലുക്കുന്നതുമായ നിരവധി വീഡിയോകള്‍ പുറത്തുവന്നിട്ടുണ്ട്. ഇപ്പോഴിതാ അത്തരത്തില്‍ വിവാഹവേദിയില്‍ നിന്നുള്ള വിഡിയോ ആണിപ്പോള്‍ വൈറലാകുന്നത്. 

വേദിയില്‍ വരനും വധുവുമുണ്ട്. പൂജാ ചടങ്ങുകള്‍ നടക്കുകയാണ്. പൂജാരി വരന് കുറച്ച് മധുര പലഹാരങ്ങള്‍ നല്‍കുന്നു. അത് വധുവിന് നല്‍കാന്‍ ആവശ്യപ്പെടുന്നു. വരന്‍ വധുവിന് ഒരു കഷണം കൊടുക്കാന്‍ തുടങ്ങിയ ഉടന്‍, വധു അത് ദേഷ്യത്തോടെ വലിച്ചെറിയുന്നു.

എന്നാല്‍ സംഭവം അവിടെ അവസാനിക്കുന്നില്ല. കുറച്ച് കഴിഞ്ഞ് പണ്ഡിറ്റ് വരന് നല്‍കാന്‍ വധുവിന് ഒരു ഗ്ലാസ് വെള്ളം നല്‍കുന്നു. വധു വെള്ളം വരന് നീട്ടി. വരന്‍ അത് സ്വീകരിക്കാതെ വെള്ളം താഴേക്ക് ഒഴിച്ചു കളയുന്നു.  ഇതില്‍ രോഷംപൂണ്ട വധു അവനില്‍ നിന്ന് ഗ്ലാസ് എടുത്ത് ദേഷ്യത്തോടെ ജനക്കൂട്ടത്തിലേക്ക് എറിയുന്ന വീഡിയോയാണ് വ്യാപകമായി പ്രചരിക്കുന്നത്.