ന്യൂഡല്‍ഹി: രാജ്യത്ത് പുതിയ ക്രിമിനല്‍ കോഡായ ഭാരതീയ ന്യായ് സംഹിത നിലവില്‍ വന്നശേഷം ഡല്‍ഹിയില്‍ ആദ്യ കേസ് രജിസ്റ്റര്‍ ചെയ്തു. ന്യൂഡല്‍ഹി റെയില്‍വേ സ്റ്റേഷന്റെ ഫുട്ട് ഓവര്‍ ബ്രിഡ്ജിനടിയില്‍ മാര്‍ഗ തടസ്സം സൃഷ്ടിച്ച വഴിയോര കച്ചവടക്കാരനെതിരെയാണ് ആദ്യത്തെ എഫ്‌ഐആര്‍ ഫയല്‍ ചെയ്തത്. ഭാരതീയ ന്യായ് സംഹിത സെക്ഷന്‍ 285 പ്രകാരമാണ് ബിഹാറിലെ പട്ന സ്വദേശിയായ പങ്കജ് കുമാറിനെതിരെ കേസെടുത്തിരിക്കുന്നത്.
''ഇന്നലെ രാത്രി പൊലീസ് പെട്രോളിങിനിടെയാണ് വഴിയോരക്കച്ചവടക്കാരന്‍ വെള്ളവും പുകയില ഉല്‍പ്പന്നങ്ങളും റോഡില്‍ വില്‍ക്കുന്നത് കണ്ടത്. യാത്രക്കാര്‍ക്ക് ഇയാളുടെ വാഹനം തടസ്സമായതോടെ വാഹനം മാറ്റാന്‍ പൊലീസ് ആവശ്യപ്പെട്ടു. എന്നാല്‍ പൊലീസ് നിര്‍ദേശം ചെവിക്കൊള്ളാതെ ഇയാള്‍ വില്‍പ്പന തുടര്‍ന്നു. ഇതേ തുടര്‍ന്നാണ് കച്ചവടക്കാരനെതിരെ എഫ്‌ഐആര്‍ രജിസ്റ്റര്‍ ചെയ്തതതെന്നും'''പൊലീസ് പറഞ്ഞു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
'ഇയാള്‍ തെരുവില്‍ വെള്ളവും ബീഡിയും സിഗരറ്റും വില്‍ക്കുന്നു, ഇത് പൊതുജനങ്ങള്‍ക്ക് ബുദ്ധിമുട്ട് ഉണ്ടാക്കുന്നു. റോഡില്‍ നിന്ന് സ്റ്റാള്‍ മാറ്റാന്‍ സബ് ഇന്സ്പെക്ടര് ഇയാളോട് പലതവണ ആവശ്യപ്പെട്ടെങ്കിലും ചെവിക്കൊണ്ടില്ല. തുടര്‍ന്ന് സബ് ഇന്സ്പെക്ടര് ഇ-പ്രമാന്‍ ആപ്ലിക്കേഷന്‍ ഉപയോഗിച്ച് വിഡിയോ എടുത്തതായും 'എഫ്‌ഐആര്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
