ബൈക്കില്‍ ലിഫ്റ്റ് ചോദിച്ച് കയറി; യാത്രക്കാരനെ വിഷം കുത്തിവെച്ചു കൊന്നു

ഹൈദരാബാദ്: ബൈക്കില്‍ ലിഫ്റ്റ് ചോദിച്ച് കയറിയ അജ്ഞാതന്‍ 46കാരനെ വിഷം കുത്തിവെച്ചു കൊന്നു. തലകറക്കം അനുഭവപ്പെട്ടതിനെ തുടര്‍ന്ന് നാട്ടുകാരുടെ സഹായം തേടിയ ബൈക്ക് യാത്രക്കാരനെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.

തെലങ്കാനയിലെ ഖമ്മം ജില്ലയിലാണ് സംഭവം. ബൈക്ക് യാത്രയ്ക്കിടെ 46കാരനോട് ലിഫ്റ്റ് ചോദിച്ച് വാഹനത്തില്‍ കയറിയ അജ്ഞാതനാണ് വിഷം കുത്തിവെച്ചത്. ഇതിന് പിന്നാലെ സ്ഥലത്ത് നിന്ന് അജ്ഞാതന്‍ കടന്നുകളഞ്ഞതായി പൊലീസ് പറയുന്നു.

സംഭവത്തിന് പിന്നാലെ തലകറക്കം അനുഭവപ്പെട്ട 46കാരന്‍ നാട്ടുകാരുടെ സഹായം തേടി. നാട്ടുകാര്‍ ഓടിക്കൂടിയപ്പോഴേക്കും 46കാരന്‍ കുഴഞ്ഞുവീണു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. പോസ്റ്റ്‌മോര്‍ട്ടത്തിന് ശേഷം മാത്രമേ മരണകാരണം വ്യക്തമാകുകയുള്ളൂവെന്ന് പൊലീസ് പറയുന്നു. പ്രതിക്കായി തെരച്ചില്‍ ആരംഭിച്ചു.

ഈ വാര്‍ത്ത കൂടി വായിക്കൂ 

'അമേരിക്കയിലെ ബിസിനസ് ട്രിപ്പ് കഴിഞ്ഞാല്‍ ഉടന്‍ കല്യാണം'; മാട്രിമോണിയല്‍ സൈറ്റ് വഴി പരിചയം, യുവതിയുടെ 1.6 കോടി രൂപ തട്ടിയെടുത്തു

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ