മൂത്ത മകള്‍ ജാതിമാറി കല്യാണം കഴിച്ചു; ഭാര്യയെയും മക്കളെയും അമ്മിക്കല്ലു കൊണ്ട് ഇടിച്ചുകൊന്ന് ഗൃഹനാഥന്‍ ജീവനൊടുക്കി 

ചെന്നൈ: മകള്‍ പട്ടികജാതിക്കാരനെ വിവാഹം കഴിച്ചതില്‍ അസ്വസ്ഥനായ ഗൃഹനാഥന്‍ ഭാര്യയെയും മക്കളെയും കൊലപ്പെടുത്തി ആത്മഹത്യ ചെയ്തു. തമിഴ്‌നാട്ടില്‍ നാഗപട്ടണത്താണ് സംഭവം. 

ചായക്കട നടത്തി ജീവിക്കുകയായിരുന്ന ലക്ഷ്മണന്‍ എന്നയാളാണ് കൊലപാതകം നടത്തി ജീവനൊടുക്കിയതെന്ന് പൊലീസ് പറഞ്ഞു. ഭാര്യയെയും രണ്ടു മക്കളെയുമാണ് ഇയാള്‍ കൊലപ്പെടുത്തിയത്. സ്വന്തം ഇഷ്ടപ്രകാരം വിവാഹം കഴിച്ച മൂത്ത മകള്‍ ഭര്‍ത്താവിനൊപ്പമാണ്.

അമ്മിക്കല്ലുകൊണ്ട് ഇടിച്ചാണ് ഇയാള്‍ ഭാര്യയെയും മക്കളെയും കൊന്നതെന്ന് പൊലീസ് പറഞ്ഞു. സംഭവത്തെക്കുറിച്ച് അന്വേഷണം നടക്കുന്നുണ്ട്.