ആശുപത്രിയിൽ നിന്നും കാ​ണാ​താ​യ പ​തി​നെ​ട്ടു​കാ​രി​യു​ടെ മൃ​ത​ദേ​ഹം പു​ഴ​യി​ൽ ; ദുരൂഹത

ജ​യ്പു​ർ: ആശുപത്രിയിൽ നിന്നും കാ​ണാ​താ​യ പ​തി​നെ​ട്ടു​കാ​രി​യു​ടെ മൃ​ത​ദേ​ഹം പു​ഴ​യി​ൽ ക​ണ്ടെ​ത്തി. രാ​ജ​സ്ഥാ​നി​ലെ കോ​ട്ട​യി​ലാ​ണ് സം​ഭ​വം. ക​ഴി​ഞ്ഞ ആ​ഴ്ചയാണ് പെ​ൺ​കു​ട്ടി​യെ കാ​ണാ​താ​യ​ത്. ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ​യാ​ണ് പെ​ൺ​കു​ട്ടി​യെ കാ​ണാ​താ​യ​ത്.

മു​നി​സി​പ്പാ​ലി​റ്റി ജീ​വ​ന​ക്കാ​രാ​ണ് പുഴയിൽ ഒഴുകി നടക്കുന്ന നിലയിൽ മൃ​ത​ദേ​ഹം ക​ണ്ടെ​ത്തി​യ​ത്. രഹന എന്ന പെൺകുട്ടിയുടേതാണ് മൃതദേഹം. മൃ​ത​ദേ​ഹ​ത്തി​നു മൂ​ന്നു ദി​വ​സ​ത്തെ പ​ഴ​ക്ക​മു​ണ്ടെന്ന് പൊലീസ് പറഞ്ഞു. രഹനയെ കാണാതായതിനെ തുടർന്ന് കുടുംബം നയാപുര പൊലീസിൽ പരാതി നൽകിയിരുന്നു. 

സംഭവത്തിൽ അസ്വാഭാവിക മരണത്തിന് പൊലീസ് കേസെടുത്തു. പോസ്റ്റ് മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറുമെന്ന് പൊലീസ് അറിയിച്ചു.