മുംബൈ: പബ്ജി കളിയില്‍ മുഴുകി റെയില്‍വേ ട്രാക്കില്‍ കയറിയ യുവാക്കള്‍ ട്രെയിനിടിച്ച് മരിച്ചു. മഹാരാഷ്ട്രയിലെ ഹിന്ദോളി ജില്ലയിലാണ് സംഭവം. നാഗേഷ് ഗോര്‍(24) സ്വാപ്‌നില്‍ അന്നപൂര്‍ണെ (22) എന്നിവരാണ് മരിച്ചത്.
പബ്ജി കളിക്കിടെ അബദ്ധത്തില്‍ ട്രാക്കിലേക്ക് കയറി കളി തുടര്‍ന്ന ഇവര്‍ ട്രെയിന്‍ വരുന്നത് ശ്രദ്ധിച്ചിട്ടുണ്ടാവില്ലെന്നാണ് പൊലീസിന്റെ നിഗമനം. ഹൈദരാബാദില്‍ നിന്നും അജ്മീറിലേക്ക് പോയ ട്രെയിനാണ് ഇവരെ ഇടിച്ചത്. രാത്രിയോടെയാണ് സമീപവാസികള്‍ മൃതദേഹങ്ങള്‍ കണ്ടെത്തിയതെന്ന് പൊലീസ് പറഞ്ഞു.
സംഭവത്തില്‍ അസ്വാഭാവിക മരണത്തിന് പൊലീസ് കേസെടുത്തിട്ടുണ്ട്. കളിക്കുന്നവരില്‍ അഡിക്ഷന്‍ ഉണ്ടാക്കുന്നതിനെ തുടര്‍ന്ന് രാജ്യത്ത് പബ്ജി നിരോധിക്കണമെന്ന ആവശ്യം ശക്തമായി വരികയാണ്. രാജസ്ഥാനിലെ ചിലയിടങ്ങളില്‍ പബ്ജി നിരോധിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
