വാരണാസി : പ്രധാനമന്ത്രി നരേന്ദ്രമോദിയെ കാണാന് കഴിയാതിരുന്നതിനെ തുടര്ന്ന് യുവതി ഓടിക്കൊണ്ടിരുന്ന ബസിന് തീയിട്ടതായി റിപ്പോര്ട്ട്. ലക്നൗ സ്വദേശിയായ വന്ദന രഘുവംശിയാണ് ലക്നൗവിലേക്ക് പോവുകയായിരുന്ന ഉത്തര്പ്രദേശ് സര്ക്കാരിന്റെ ആഡംബര ബസിന് തീയിട്ടത്.
യുവതിയുടെ അക്രമത്തില് ആര്ക്കും പരിക്കേറ്റിട്ടില്ലെന്നും ഇവരെ അറസ്റ്റ് ചെയ്തതായും പൊലീസ് അറിയിച്ചു. ഉത്തര്പ്രദേശിലെ കണ്ടന്മെന്റ് സ്റ്റാന്ഡില് ചായ കുടിക്കുന്നതിനായി നിര്ത്തിയിട്ട ബസിനാണ് ഇവര് പെട്രോളൊഴിച്ച് തീ കൊളുത്തിയത്.
ഉത്തര്പ്രദേശ് വിഭജിച്ച് പൂര്വ്വാഞ്ചല് എന്ന പുതിയ സംസ്ഥാനം രൂപീകരിക്കണമെന്ന ആവശ്യമാണ് പ്രധാനമന്ത്രിയെ നേരില് കണ്ട് ഉന്നയിക്കാന് ഇവര് ഇരുന്നത്. പിറന്നാള് ആഘോഷങ്ങള്ക്കായെത്തിയ മോദി യുവതി എത്തിയപ്പോഴേക്കും മടങ്ങിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
