ന്യൂഡല്ഹി: കേരളത്തിലെ സമീപ സംഭവ വികാസങ്ങളുമായി ബന്ധപ്പെട്ട് സിപിഎം കേരള നേതൃത്വവുമായി ഭിന്നതയുണ്ടെന്ന റിപ്പോര്ട്ടുകള് തെറ്റെന്ന് കേന്ദ്ര നേതൃത്വം. ഒരു വിഭാഗം മാധ്യമങ്ങളില് ഇത്തരം റിപ്പോര്ട്ടുകള് പ്രത്യക്ഷപ്പെടുന്നുണ്ടെന്നും അവയ്ക്ക് അടിസ്ഥാനമില്ലെന്നും പൊളിറ്റ് ബ്യൂറോ വാര്ത്താക്കുറിപ്പില് അറിയിച്ചു.
തിരുവനന്തപുരത്തെ സമാധാന യോഗത്തിനിടെ മുഖ്യമന്ത്രി പിണറായി വിജയന് മാധ്യമ പ്രവര്ത്തകരെ പുറത്താക്കിയതില് കേന്ദ്ര നേതൃത്വം അതൃപ്തി പ്രകടിപ്പിച്ചതായി റിപ്പോര്ട്ടുകളുണ്ടായിരുന്നു. മാധ്യമപ്രവര്ത്തകരെ പുറത്താക്കിയതിലും സമാധാനയോഗം ഗവര്ണര് നിര്ദേശിച്ചിട്ടെന്ന നിലയില് വിളിച്ചു ചേര്ത്തതിലും കേന്ദ്ര നേതൃത്വത്തിന് അതൃപ്തിയുണ്ടെന്നായിരുന്നു വാര്ത്തകള്. എന്നാല് ഇവയെക്കുറിച്ച് പരാമര്ശിക്കാതെയാണ് പിബി വാര്ത്താക്കുറിപ്പ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
