പ്രണയപ്പക വീണ്ടും; തിരുവനന്തപുരത്ത് 20കാരിയെ കുത്തിപ്പരിക്കേൽപ്പിച്ചു; ശരീരത്തിൽ 15 കുത്തുകൾ; ​ഗുരുതരം

തിരുവനന്തപുരം: പ്രണയം നിരസിച്ചതിന്റെ പകയിൽ യുവാവ് 20കാരിയെ കുത്തിപ്പരിക്കേൽപ്പിച്ചു. തിരുവനന്തപുരം നെടുമങ്ങാടാണ് സംഭവം. 20കാരിയുമായി അടുപ്പത്തിലായിരുന്ന ആര്യനാട് സ്വദേശി അരുൺ എന്നയാളാണ് ആക്രമണത്തിന് പിന്നിൽ.

യുവതി താമസിച്ചിരുന്ന വീട്ടിലെത്തിയാണ് ഇയാൾ ആക്രമണം നടത്തിയത്. ആക്രമണത്തിൽ യുവതിയ്ക്ക് ​ഗുരുതര പരിക്കേറ്റു. യുവതിയുടെ ശരീരത്തിൽ 15 കുത്തുകൾ ഏറ്റിട്ടുണ്ട്. പ്രണയ നൈരാശ്യമാണ് ആക്രമണത്തിൽ പിന്നിലെന്ന് പൊലീസ് പറയുന്നു. 

പ്രതി അരുണിനെ നാട്ടുകാർ പിടികൂടി പൊലീസിൽ എൽപ്പിച്ചു. ഇയാളെ ചോദ്യം ചെയ്ത് വരുന്നു.