കൊച്ചി: കൊച്ചിയില്‍ ഡോക്ടര്‍ക്കെതിരായ ബലാത്സംഗ കേസില്‍ ഡോ. ജോണ്‍സണ്‍ കെ വര്‍ഗീസിനെതിരെ മുന്‍പ് ജോലി ചെയ്ത സ്ഥലങ്ങളിലും പരാതി. രണ്ട് വര്‍ഷം മുന്‍പു പത്തനംതിട്ടയിലെ ആശുപത്രിയിലെ ജീവനക്കാരിയോടു മോശമായി പെരുമാറിയതിനെ തുടര്‍ന്ന് ഇയാള്‍ക്കു താക്കീതു നല്‍കിയിരുന്നു. പിന്നാലെ ആശുപത്രിയില്‍ നിന്ന് പുറത്താക്കിയെന്നാണ് പൊലീസിന് ലഭിച്ച വിവരം.
കൊച്ചിയിലെ ആശുപത്രിയിലും നിന്നും ഡോക്ടര്‍ക്കെതിരെ സമാപന പരാതി ഉയര്‍ന്നിരുന്നു. ഈ വിവരം ആശുപത്രി അധികൃതര്‍ പൊലീസിനെ അറിയിച്ചിട്ടുണ്ട്.
ഡോക്ടറുടെ മൊബൈലില്‍ നിന്നു ഒട്ടേറെ സ്ത്രീകളുടെ നഗ്‌ന ദൃശ്യങ്ങളാണു കണ്ടെത്തിയിരുന്നു. ഡോക്ടര്‍ക്ക് എതിരായ പഴയ പരാതികള്‍കൂടി കണ്ടെത്തി മുന്‍കൂര്‍ ജാമ്യാപേക്ഷയെ എതിര്‍ക്കാനാണ് അന്വേഷണ സംഘത്തിന്റെ നീക്കം. ഡോക്ടര്‍ ഇപ്പോഴും ഒളിവിലാണ്. ഇയാള്‍ക്കെതിരെ ലുക്കൗട്ട് നോട്ടിസ് പുറത്തിറക്കിയിരുന്നു. കേസ് കെട്ടിച്ചാമച്ചത് എന്ന വാദമാണ് ഡോക്ടര്‍ ഉന്നയിച്ചിട്ടുള്ളത്. 17-ാം തിയതിയാണ് മുന്‍കൂര്‍ ജാമ്യപേക്ഷ പരിഗണിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
