ഗണപതിയുടെ ചിത്രവുമായി സിപിഐ നേതാവ്; വിശ്വസിക്കുന്നവര്‍ക്കു അതുമായി മുന്നോട്ടു പോകാമെന്ന് യുവനേതാവ്

പത്തനംതിട്ട:  സ്പീക്കര്‍ എഎന്‍ ഷംസീറിന്റെ 'മിത്ത്' പരാമര്‍ശവുമായി ബന്ധപ്പെട്ട ചര്‍ച്ചയ്ക്കിടെ ഗണപതി വിഗ്രഹങ്ങളുടെ ചിത്രം പങ്കുവച്ച് സിപിഐ നേതാവ്. സിപിഐ പത്തനംതിട്ട ജില്ലാ സെക്രട്ടറി എപി ജയനാണ് ഒരു യാത്രയുടെ തുടക്കം എന്ന പേരില്‍ ഗണപതി വിഗ്രഹങ്ങള്‍ക്ക് മുന്നില്‍  നില്‍ക്കുന്ന ചിത്രം സാമൂഹിക മാധ്യമങ്ങളില്‍ പോസ്റ്റ് ചെയ്തത്. അതിന് പിന്നാലെ ജില്ലാ സെക്രട്ടറിയെ തള്ളി എഐവൈഎഫ് ജില്ലാ സെക്രട്ടറി എസ് അഖില്‍ രംഗത്തവന്നു.

കഥകള്‍ വിശ്വസിക്കുന്നവര്‍ക്കു അതുമായി മുന്നോട്ടു പോകാമെന്നും സഖാവ് ഷംസീര്‍ പറഞ്ഞതു ശാസ്ത്രമാണെന്നുമായിരുന്നു അഖിലിന്റെ സാമൂഹിക മാധ്യമത്തിലെ കുറിപ്പ്. 'ഷംസീറിനൊപ്പം ശാസ്ത്രത്തിനൊപ്പ'മെന്ന പോസ്റ്റ് മുന്‍പും അഖില്‍ പങ്കുവച്ചിട്ടുണ്ട്. 

ഗ്രന്ഥശാല പ്രസ്ഥാനവുമായി ബന്ധപ്പെട്ടു ഡല്‍ഹി, കൊല്‍ക്കത്ത യാത്രയിലാണു എപി ജയനെന്നാണ് പാര്‍ട്ടി നേതാക്കളുടെ വിശദീകരണം. ജയന്‍ പങ്കുവച്ച ചിത്രത്തില്‍ ഗണപതി മാത്രമല്ല, കൃഷ്ണനും ബുദ്ധനും ഉണ്ടെന്ന് അവര്‍ വിശദീകരിക്കുന്നു. 

ഈ വാര്‍ത്ത കൂടി വായിക്കൂ

ഗണപതി മിത്താണെന്ന് പറഞ്ഞിട്ടില്ല; അല്ലാഹു മിത്തല്ലെന്നും പറഞ്ഞിട്ടില്ല; മലക്കം മറിഞ്ഞ് എംവി ഗോവിന്ദന്‍

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ