രോഗിയോട് കയര്‍ത്ത ഡോക്ടര്‍ക്കെതിരെ നടപടി, ഹോര്‍മൂസിന്റെ പേര് 'ട്രംപ് കടലിടുക്ക്' എന്നാക്കണം, വര്‍ധമാന്‍ ഇനി യാത്രാവിമാനം പറത്തും; ഇന്നത്തെ 5 പ്രധാന വാര്‍ത്തകള്‍

ചികിത്സ തേടിയെത്തിയ രോ​ഗിയോട് കയർത്ത് സംസാരിച്ച കൊട്ടാരക്കര താലൂക്ക് ആശുപത്രി ഡോക്ടർക്കെതിരെ നടപടി. ഹോർമൂസിന്റെ പേര് ട്രംപ് കടലിടുക്ക് എന്നാക്കി മാറ്റണമെന്ന് ട്രംപ്. വ്യോമസേന യുദ്ധപൈലറ്റ് അഭിനന്ദൻ വർധമാൻ ഇനി യാത്രാ വിമാനം പറത്തും. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം.

ചികിത്സ തേടിയെത്തിയ രോഗിയോട് മോശമായി പെരുമാറിയ സംഭവത്തില്‍ കൊട്ടാരക്കര താലൂക്ക് ആശുപത്രിയിലെ ഡോക്ടര്‍ക്കെതിരെ നടപടി. അസിസ്റ്റന്റ് സര്‍ജന്‍ ഡോ. രേഖ കെ കൃഷ്ണനെ തെന്മല പ്രാഥമിക ആരോഗ്യ കേന്ദ്രത്തിലേക്കാണ് സ്ഥലം മാറ്റിയത്. ജില്ലാ മെഡിക്കല്‍ ഓഫീസറുടെ അന്വേഷണ റിപ്പോര്‍ട്ടിന്റെ അടിസ്ഥാനത്തിലാണ് ആരോഗ്യ വകുപ്പ് ഡയറക്ടറുടെ നടപടി.

ഹോര്‍മുസ് കടലിടുക്കിന്റെ പേര് 'ട്രംപ് കടലിടുക്ക്' എന്നു മാറ്റണമെന്ന നിര്‍ദേശവുമായി അമേരിക്കന്‍ പ്രസിഡന്റ് ഡോണള്‍ഡ് ട്രംപ്. ഹോര്‍മൂസ് കടലിടുക്ക് നിലവില്‍ അമേരിക്കയുടെ പൂര്‍ണ നിയന്ത്രണത്തിലാണ്. അതിനാല്‍ ജലപാതയ്ക്ക് ട്രംപ് കടലിടുക്ക് എന്ന് പുനര്‍നാമകരണം നടത്തിയാലോ എന്നാണ് തന്റെ സാമൂഹിക മാധ്യമ പ്ലാറ്റ്ഫോമായ ട്രൂത്ത് സോഷ്യലിലൂടെ ചോദിച്ചിരിക്കുന്നത്.

 പഞ്ചാബില്‍ എസ്‌ഐആര്‍ നടപടികള്‍ക്ക് പിന്നാലെ രാജ്യസഭ എംപി രാഘവ് ഛദ്ദ വോട്ടര്‍ പട്ടികയില്‍ നിന്നും പുറത്ത്. ഇതേച്ചൊല്ലി പഞ്ചാബില്‍ രാഷ്ട്രീയ വിവാദം കനക്കുന്നു. കരട് വോട്ടര്‍ പട്ടികയില്‍ നിന്നും തന്റെ പേര് ഒഴിവാക്കിയതിന് പിന്നില്‍ പഞ്ചാബിലെ ആം ആദ്മി പാര്‍ട്ടി സര്‍ക്കാരിന്റെ പ്രതികാര നടപടിയാണെന്ന് രാഘവ് ഛദ്ദ ആരോപിച്ചു. എഎപി വിട്ട് ഈ വർഷമാണ് രാഘവ് ഛദ്ദ ബിജെപിയിൽ ചേർ‌ന്നത്.

നിയന്ത്രണരേഖയ്ക്ക് മുകളിലുള്ള വ്യോമാക്രമണത്തിനിടെ പാകിസ്ഥാന്റെ എഫ് 16 യുദ്ധവിമാനം വെടിവെച്ചിട്ടതിന് വീരചക്ര ലഭിച്ച യുദ്ധവിമാന പൈലറ്റ് ഗ്രൂപ്പ് ക്യാപ്റ്റന്‍ അഭിനന്ദന്‍ വര്‍ധമാന്‍ വ്യോമസേന വിട്ട് ഇനി യാത്രാവിമാനം പറത്തും. മലയാളിയായ മനോജ് ചാക്കോയുടെ ഉടമസ്ഥതയിലുള്ള ഫ്‌ലൈ91 വിമാനക്കമ്പനിയുടെ പൈലറ്റായാണ് അഭിനന്ദന്‍ വര്‍ധമാന്‍ പുതിയ ജോലിയില്‍ പ്രവേശിച്ചത്. എടിആര്‍ 72-600 ടര്‍ബോപ്രോപ്പ് വിമാനങ്ങളാണ് അദ്ദേഹം പറത്തുക.

പ്രധാനപ്പെട്ട ഒരു തീരുമാനത്തിൽ അനുകൂല മാറ്റമുണ്ടാകും. സാമ്പത്തികമായി പ്രതീക്ഷിക്കാത്ത നേട്ടം ലഭിക്കാം. പ്രണയബന്ധത്തിൽ സന്തോഷകരമായ അനുഭവമുണ്ടാകും. വ്യാപാരരംഗത്ത് പുതിയ ഇടപാടുകൾക്ക് സാധ്യത. ഏറെ നാളായി നീണ്ടുനിന്ന ഒരു പ്രശ്നത്തിന് പരിഹാരം കാണും. വിവാഹകാര്യങ്ങളിൽ അനുകൂല സംസാരങ്ങൾ നടക്കും.