പാലക്കാട്: പാലക്കാട്ടും കോട്ടയത്തും വന്‍ ലഹരിവേട്ട. പാലക്കാട് വാഹനപരിശോധനയ്ക്കിടെ 150 ഗ്രാം എംഡിഎംഎയുമായി നാലു യുവാക്കള്‍ പിടിയിലായി. അലയനല്ലൂര്‍ സ്വദേശികളായ ഹാരിസ്, ദിനേശ്, സജു, ഷെറിന്‍ എന്നിവരാണ് പിടിയിലായത്.
കൊറിയര്‍ കവര്‍ എന്ന വ്യാജേന വാഹനത്തില്‍ ലഹരി കടത്തുമ്പോഴാണ് ഇവര്‍ പിടിയിലായത്. ട്രിനിറ്റി ആശുപത്രിക്ക് സമീപത്തുവെച്ചാണ് വാഹനം പൊലീസ് തടഞ്ഞത്. ലഹരി മരുന്ന് വില്‍പ്പനയ്ക്കായി കൊണ്ടുവന്നതാണെന്നാണ് പൊലീസിന്റെ നിഗമനം.
കോട്ടയത്ത് എംഡിഎംയുമായി 21 കാരനായ യുവാവ് പിടിയിലായി. മുട്ടമ്പലം സ്വദേശി സനല്‍ സന്തോഷ് ആണ് എക്‌സൈസിന്റെ പിടിയിലായത്. 0.05 ഗ്രാം എംഡിഎംഎയാണ് ഇയാളില്‍ നിന്നും പിടികൂടിയത്. ലഹരിമാഫിയയുമായി ബന്ധമുണ്ടെന്ന സൂചനയെത്തുടര്‍ന്ന് എക്‌സൈസ് ഇയാളെ നിരീക്ഷിച്ചു വരികയായിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
