ഇം​ഗ്ലണ്ട് സെമിയിൽ, തെന്നിന്ത്യൻ വാനമ്പാടിക്ക് വിട, ഹോർമൂസ് അടച്ചു; ഇന്നത്തെ 5 പ്രധാന വാർത്തകൾ

ലോകകപ്പില്‍ നോര്‍വേയെ പരാജയപ്പെടുത്തി ഇംഗ്ലണ്ട് സെമിഫൈനലില്‍ കടന്നു. ഇന്നലെ അന്തരിച്ച തെന്നിന്ത്യന്‍ വാനമ്പാടി എസ് ജാനകിയുടെ സംസ്‌കാരം ഇന്ന് മൈസൂരുവില്‍ നടക്കും. ഹോര്‍മൂസ് അടച്ചതായി ഇറാന്‍ പ്രഖ്യാപിച്ചു. ഇംഗ്ലണ്ടിനെതിരായ അവസാന ടി20യിലും ഇന്ത്യയ്ക്ക് തോല്‍വി. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

ലോകകപ്പ് ക്വാര്‍ട്ടര്‍ ഫൈനലിലെ ആവേശകരമായ മത്സരത്തില്‍ നോര്‍വേയെ മറികടന്ന് ഇംഗ്ലണ്ട് സെമിയില്‍ കടന്നു. ജൂഡ് ബെല്ലിങ്ഹാം ഇരട്ട ഗോളുമായി തിളങ്ങിയ മത്സരത്തില്‍ ഒന്നിനെതിരേ രണ്ട് ഗോളുകള്‍ക്കായിരുന്നു ഇംഗ്ലീഷ് ടീമിന്റെ ജയം. എക്‌സ്ട്രാ ടൈമിലാണ് ഇംഗ്ലണ്ട് വിജയഗോള്‍ നേടിയത്. ഇംഗ്ലണ്ട് ലോകകപ്പ് സെമിയിലെത്തുന്നത് നാലാം തവണയാണ്.

ഇന്നലെ അന്തരിച്ച തെന്നിന്ത്യന്‍ വാനമ്പാടി എസ് ജാനകിയുടെ സംസ്‌കാരം ഇന്ന് നടക്കും. സംസ്‌കാരം വൈകീട്ട് മൈസൂരുവിലെ കനിയനഹുണ്ഡി ഫാം ഹൗസില്‍ നടക്കും. ഔദ്യോഗിക ബഹുമതികളോടെയാണ് സംസ്‌കാരം. രാവിലെ എട്ടു മണി മുതല്‍ എസ് ജാനകിയുടെ ഭൗതികദേഹം മൈസൂരു മഹാരാജ കോളജ് ഗ്രൗണ്ടില്‍ പൊതു ദര്‍ശനം ആരംഭിക്കും. 

പശ്ചിമേഷ്യയില്‍ സംഘര്‍ഷം രൂക്ഷമാകുന്നു. അമേരിക്ക ആക്രമണം കടുപ്പിച്ചതോടെ ഹോര്‍മുസ് കടലിടുക്ക് വീണ്ടും ഇറാന്‍ അടച്ചു. യുഎസ് ഇടപെടല്‍ അവസാനിപ്പിക്കുന്നതുവരെ കടലിടുക്ക് അടച്ചിടുമെന്ന് ഇറാന്‍ അറിയിച്ചു. ഹോര്‍മുസ് അടച്ചതിനുപിന്നാലെ ഇറാനില്‍ യുഎസ് ആക്രമണം ശക്തമാക്കി. ഇറാനില്‍ യുഎസ് നടത്തുന്ന മൂന്നാം ഘട്ട ആക്രമണമാണിത്.

ടി20 പരമ്പരയിലെ അവസാന മത്സരത്തിലും ഇന്ത്യക്ക് ദയനീയ തോല്‍വി. 56 റണ്‍സിനാണ് ഇംഗ്ലണ്ടിന്റെ വിജയം. 257 റണ്‍സിന്റെ വിജയലക്ഷ്യം പിന്തുടര്‍ന്ന ഇന്ത്യക്ക് നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 201 റണ്‍സ് എടുക്കാനേ കഴിഞ്ഞുള്ളു.  ബട്ലര്‍ സെഞ്ചുറി നേടിയപ്പോള്‍ ബ്രൂക്ക് പുറത്താവാതെ 95 റണ്‍സെടുത്തു. ഇം​ഗ്ലണ്ട് താരം ജോസ് ബട്ലര്‍ സെഞ്ച്വറി നേടിയപ്പോള്‍, ഹാരി ബ്രൂക്ക് പുറത്താവാതെ 95 റണ്‍സെടുത്തു.

പ്രധാനപ്പെട്ട ഒരു കൂടിക്കാഴ്ച ഗുണകരമായി മാറും.സാമ്പത്തി കമായി പ്രതീക്ഷിച്ചതിലും നല്ല പുരോഗതി ഉണ്ടാകും. ജോലിസ്ഥലത്ത് നിങ്ങളുടെ കഴിവുകൾ അംഗീകരിക്കപ്പെടും. ആഗ്രഹിച്ച ഒരു കാര്യം പൂർത്തിയാക്കാൻ സാഹചര്യം അനുകൂലമാകും.വ്യാപാരത്തിൽ പുതിയ ഓർഡറുകളോ ഇടപാടുകളോ ലഭിക്കും. ദൂരെയുള്ള ഒരാളിൽ നിന്ന് ഉപകാരപ്രദമായ വിവരം ലഭിക്കും.