പുലർച്ചെ മീൻ പിടിക്കാൻ പോയ മത്സ്യ തൊഴിലാളി വെള്ളക്കെട്ടിൽ വീണുമരിച്ചു

ആലപ്പുഴ​: മത്സ്യ തൊഴിലാളി വെള്ളക്കെട്ടിൽ മുങ്ങി മരിച്ചു. അരൂർ പഞ്ചായത്ത് പതിനൊന്നാം വാർഡിൽ തഴുപ്പിൽ സുധീഷ് (45) ആണ് മരിച്ചത്. മീൻ പിടിക്കുന്നതിനായി ഇന്ന് പുലർച്ചെ വലയുമായി പോയതായിരുന്നു. തിരിച്ച് വരാതിരുന്നതിനെ തുടർന്ന് നടത്തിയ അന്വേഷണത്തിലാണ് വെള്ളക്കെട്ടിൽ കമഴ്ന്നു കിടക്കുന്ന നിലയിൽ സുധീഷിനെ കണ്ടെത്തിയത്.

നീർക്കാക്കയെ തുരത്തുന്നതിനായി കെട്ടിയ കയറിൽ കുടുങ്ങിയ നിലയിലാണ് സുധീഷിൻറെ മൃതശരീരം കണ്ടത്. മീൻ പിടിക്കുന്ന വലയും മീൻ ഇടുന്നതിനായുള്ള ബക്കറ്റും സമീപത്തു തന്നെ കടവിൽ കിടക്കുന്നുണ്ടായിരുന്നു. എരമല്ലൂർ സ്വദേശി കുഞ്ഞു മുഹമ്മദിൻറെ ഉടമസ്ഥതയിലുള്ള സ്ഥലാണ് അപകടം നടന്നത്. സുമിയാണ് സുധീഷിൻറെ ഭാര്യ. മക്കൾ : അശ്വിൻ, അശ്വതി.

ഈ വാർത്ത കൂടി വായിക്കൂ ശനിയാഴ്ച സർക്കാർ ഓഫീസുകൾക്ക് അവധി

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ