ഓണം മഴയില്‍ മുങ്ങും?, ഇഡി ആക്രമണക്കേസ് പ്രതികളുടെ ഓണാഘോഷത്തിൽ പൊലീസുകാർക്കെതിരെ നടപടി?; ഇന്നത്തെ 5 പ്രധാന വാർത്തകൾ

സംസ്ഥാനത്ത് മഴ വീണ്ടും കനക്കുന്നു. കേന്ദ്രത്തിനെതിരെ തുടര്‍ പ്രക്ഷോഭം ചര്‍ച്ച ചെയ്യാനായി സിജെപി ദേശീയ പ്രവര്‍ത്തകസമിതി ഇന്ന് യോഗം ചേരും. ഇഡി ആക്രമണക്കേസിലെ പ്രതികളുടെ സ്റ്റേഷന്‍ വളപ്പിലെ ഓണാഘോഷത്തില്‍ വീഴ്ച വരുത്തിയ പൊലീസുകാര്‍ക്കെതിരെ നടപടിയുണ്ടാകും. ഇന്നത്തെ 5 പ്രധാന വാര്‍ത്തകള്‍ ( top 5 News Today ) അറിയാം.

വടക്ക് പടിഞ്ഞാറന്‍ ബംഗാള്‍ ഉള്‍ക്കടലില്‍ രൂപപ്പെട്ട ന്യൂനമര്‍ദ്ദത്തിന്റെ സ്വാധീനഫലമായി സംസ്ഥാനത്ത് ഇന്നും നാളെയും ശക്തമായ മഴയ്ക്ക് സാധ്യത. ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, കണ്ണൂര്‍, കാസര്‍കോട് ജില്ലകളിലാണ് ഒറ്റപ്പെട്ട സ്ഥലങ്ങളില്‍ ശക്തമായ മഴയ്ക്കുള്ള സാധ്യത നിലനില്‍ക്കുന്നത്. തിരുവോണ ദിനമായ ബുധനാഴ്ചയും മൂന്നാം ഓണമായ വ്യാഴാഴ്ചയും മഴ മുന്നറിയിപ്പ് ഉണ്ട്. 

കോക്രോച്ച് ജനതാ പാര്‍ട്ടിയുടെ ദേശീയ പ്രവര്‍ത്തകസമിതി യോഗം ഇന്ന് ചേരും. കേന്ദ്രസര്‍ക്കാരിനെതിരായ തുടര്‍ പ്രക്ഷോഭങ്ങള്‍ ആലോചിക്കാനായാണ് യോഗം. യോഗത്തില്‍ സമരത്തിന് അന്തിമ രൂപം നല്‍കും. വിദ്യാര്‍ഥി പ്രക്ഷോഭം അവസാനിപ്പിക്കാന്‍ സര്‍ക്കാര്‍ നല്‍കിയ ഉറപ്പുകള്‍ പാലിച്ചില്ലെന്ന് സിജെപി നേതാക്കള്‍ പറഞ്ഞു.

സംസ്ഥാന സർക്കാരിന്‍റെ ഓണം വാരാഘോഷങ്ങൾക്ക് ഇന്ന് തുടക്കമാകും. തിരുവനന്തപുരം കനകക്കുന്ന് നിശാഗന്ധി ഓഡിറ്റോറിയത്തിൽ വൈകീട്ട് 5. 30 ന് നടക്കുന്ന ചടങ്ങിൽ മുഖ്യമന്ത്രി വിഡി സതീശൻ ഓണാഘോഷങ്ങൾ ഉദ്ഘാചനം ചെയ്യും. ഓ​ഗസ്റ്റ് 30 വരെ വാരാഘോഷം നീണ്ടു നിൽക്കും. തിരുവനന്തപുരത്ത് മാത്രം 35 വേദികളിലായി 340ലേറെ കലാപരിപാടികൾ അരങ്ങേറും. വിവിധ ജില്ലകളിലും നൂറുകണക്കിന് വേദികളാണ് സജ്ജമാക്കിയിട്ടുള്ളത്.

ഇഡി ഉദ്യോഗസ്ഥരെ ആക്രമിച്ച കേസിലെ പ്രതികളുടെ മ്യൂസിയം പൊലീസ് സ്റ്റേഷന്‍ വളപ്പിലെ ഓണാഘോഷത്തില്‍ തിരുവനന്തപുരം സിറ്റി പൊലീസ് കമ്മീഷണര്‍ സമര്‍പ്പിച്ച അന്വേഷണ റിപ്പോര്‍ട്ടില്‍ തുടര്‍നടപടി ഉടന്‍ ഉണ്ടാകും. സ്‌റ്റേഷന്‍ വളപ്പിലെ ഓണാഘോഷത്തില്‍ പൊലീസിന് ഗുരുതര വീഴ്ച ഉണ്ടായതായാണ് റിപ്പോര്‍ട്ടിലുള്ളത്. ഇതിന്റെ പശ്ചാത്തലത്തില്‍ മ്യൂസിയം സ്റ്റേഷനിലെ ആറ് പൊലീസുകാരെ എആര്‍ ക്യാമ്പിലേക്ക് സ്ഥലംമാറ്റിയേക്കും. പ്രതികളുടെ ജാമ്യം റദ്ദാക്കാന്‍ മ്യൂസിയം പൊലീസ് കോടതിയെ സമീപിക്കും. 

പുതിയ പദ്ധതിയുടെ ഭാഗമായി പ്രധാനപ്പെട്ട ഒരു ചുമതല ഏറ്റെടുക്കും. നാളുകളായി ആലോചിച്ചിരുന്ന വില്പന നടക്കാം. അടുത്ത സുഹൃത്തിൽനിന്ന് വിലപ്പെട്ട ഉപദേശം ലഭിക്കും. വീട്ടുമായി ബന്ധപ്പെട്ട ചില ക്രമീകരണങ്ങൾ പൂർത്തിയാക്കും. പഠനത്തിൽ ബുദ്ധിമുട്ടിയിരുന്ന വിഷയം എളുപ്പത്തിൽ മനസ്സിലാകും. യാത്രയ്ക്കിടയിൽ സന്തോഷകരമായ അനുഭവമുണ്ടാകും.