ആലപ്പുഴയില്‍ സ്ത്രീയുടെ മൃതദേഹം അഴുകിയ നിലയില്‍, 5 ദിവസത്തെ പഴക്കമെന്ന് പൊലീസ്

ആലപ്പുഴ: ആലപ്പുഴയില്‍ സ്ത്രീയുടെ മൃതദേഹം അഴുകിയ നിലയില്‍. ആലപ്പുഴ പുന്നപ്ര പവര്‍ഹൗസിന് സമീപമാണ് സംഭവം. ആഞ്ഞിലിപ്പറമ്പില്‍ വത്സല(62)ആണ് മരിച്ചത്. 

വീടിനുള്ളിലാണ് മൃതദേഹം അഴുകിയ നിലയില്‍ കണ്ടെത്തിയത്. ആശുപത്രിയില്‍ കൊണ്ടുപോകാന്‍ സഹോദരന്‍ എത്തിയപ്പോഴാണ് ഇവരെ മരിച്ച നിലയില്‍ കണ്ടെത്തിയത്. 

വത്സലയ്‌ക്കൊപ്പം സഹോദരി വിമലയാണ് വീട്ടില്‍ താമസിച്ചിരുന്നത്. മൃതദേഹത്തിന് അഞ്ച് ദിവസത്തെ പഴക്കമെങ്കിലും ഉണ്ടാവുമെന്ന് പൊലീസ് പറഞ്ഞു.