കല്പ്പറ്റ: വയനാട് ഉരുള്പൊട്ടല് ദുരന്തബാധിതര്ക്ക് ലീഗിന്റെ കൈത്താങ്. ആദ്യ ഘട്ടമായി ലീഗ് നിര്മ്മിച്ച 51 വീടുകളുടെ ഗൃഹപ്രവേശന ചടങ്ങ് നടന്നു. വീട്ടുകാരുടെ ക്ഷണപ്രകാരം ലീഗ് നേതാക്കളായ പാണക്കാട് സാദിഖലി ശിഹാബ് തങ്ങള്, പി കെ കുഞ്ഞാലിക്കുട്ടി അടക്കമുള്ളവര് ചടങ്ങില് പങ്കെടുത്തു.
കഴിഞ്ഞ മാസമാണ് വീടുകളുടെ കൈമാറ്റം നടന്നത്. താക്കോലും പട്ടയയുമാണ് കൈമാറിയത്. എട്ടു സെന്റ് ഭൂമിയിലാണ് വീട് നിര്മ്മിച്ചത്. മൂന്ന് ബെഡ് റൂമുകളോട് കൂടിയ ഓരോ വീടിനും 1060 ചതുരശ്ര അടി വിസ്തീര്ണമാണ് ഉള്ളത്.
ഉരുള്പൊട്ടല് ദുരന്തബാധിതര്ക്ക് 105 വീടുകള് നിര്മ്മിച്ച് നല്കാനാണ് ലീഗ് തീരുമാനിച്ചത്. ശേഷിക്കുന്ന വീടുകളുടെ നിര്മ്മാണം മെയ് മാസത്തില് പൂര്ത്തിയാവുമെന്ന് ലീഗ് നേതാക്കള് പറഞ്ഞു.
