തൃശൂര്: ഗുരുവായൂര് ക്ഷേത്രത്തില് പ്രതീകാത്മകമായി ആനയെ നടയിരുത്തി. ശനിയാഴ്ച രാവിലെ ശീവേലിക്കു ശേഷമായിരുന്നു ചടങ്ങ്. ക്ഷേത്രം മേല്ശാന്തി മൂര്ത്തിയേടത്തു മന സുധാകരന് നമ്പൂതിരി മുഖ്യകാര്മ്മികനായി. കോഴിക്കോട് തിരുവണ്ണൂര് സ്വദേശി പി എ പ്രദീപും വസന്തയും കുടുംബവും ആണ് ആനയെ നടയിരുത്തിയത്.
ഇതിനായി പത്തുലക്ഷം രൂപ ദേവസ്വത്തിലടച്ചു. ദേവസ്വം കൊമ്പന് ബല്റാമിനെയാണ് നടയിരുത്തിയത്. ക്ഷേത്രം ഊരാളനും ദേവസ്വം ഭരണസമിതി അംഗവുമായ മല്ലിശ്ശേരി പരമേശ്വരന് നമ്പൂതിരിപ്പാട്, ദേവസ്വം അഡ്മിനിസ്ട്രേറ്റര് ഒ ബി അരുണ്കുമാര്, ക്ഷേത്രം ഡെപ്യൂട്ടി അഡ്മിനിസ്ട്രേറ്റര് പ്രമോദ് കളരിക്കല്, ജീവധനം ഡപ്യൂട്ടി അഡ്മിനിസ്ട്രേറ്റര് എം രാധ, അസി.മാനേജര്മാരായ രാമകൃഷ്ണന് ( ക്ഷേത്രം), സുന്ദരരാജന് ( ജീവധനം) പാരമ്പര്യവകാശികള് എന്നിവര് ചടങ്ങില് സന്നിഹിതരായി. വഴിപാടു നേര്ന്ന പി എ പ്രദീപ്, വസന്ത, കുടുംബാംഗങ്ങള്, ഭക്തജനങ്ങള് എന്നിവര് ചടങ്ങില് സന്നിഹിതരായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
