കോട്ടയം: ഇരട്ടപ്പാത തുറന്നതോടെ കോട്ടയം റൂട്ടില്‍ ഇന്നു മുതല്‍ ട്രെയിന്‍ സർവീസുകൾ സാധാരണ നിലയിലേക്ക് തിരിച്ചെത്തും. ദീര്‍ഘദൂര ട്രെയിനുകളെല്ലാം സര്‍വീസ് നടത്തും. അതേസമയം ചില ട്രെയിനുകള്‍ക്ക് ഇന്നും നിയന്ത്രണം ഏര്‍പ്പെടുത്തിയിട്ടുണ്ട്.
തിങ്കളാഴ്ചത്തെ, കായംകുളം- എറണാകുളം (06450), കോട്ടയം-കൊല്ലം (06431) അണ്‍ റിസര്‍വ്ഡ് എക്‌സ്പ്രസുകള്‍ റദ്ദാക്കിയിട്ടുണ്ട്. മൂന്നു ട്രെയിനുകളുടെ സര്‍വീസ് ഭാഗികമായി റദ്ദാക്കി. നിലമ്പൂരില്‍ നിന്നും കോട്ടയത്തേക്കുള്ള നിലമ്പൂര്‍ റോഡ്-കോട്ടയം എക്‌സ്പ്രസ് (16325) എറണാകുളം വരെ മാത്രമാകും സര്‍വീസ് നടത്തുക.
കോട്ടയം-നിലമ്പൂര്‍ എക്‌സ്പ്രസ് (16326) സര്‍വീസ് തുടങ്ങുന്നത് എറണാകുളത്തു നിന്നായിരിക്കും. നാഗര്‍കോവിലില്‍ നിന്ന് പുറപ്പെടുന്ന നാഗര്‍കോവില്‍-കോട്ടയം എക്‌സ്പ്രസ്(16366) കൊല്ലംവരെ മാത്രമാകും സര്‍വീസ് നടത്തുകയെന്നും റെയില്‍വേ അറിയിച്ചു.
ഈ വാര്‍ത്ത കൂടി വായിക്കാം ചരിത്രം കുറിച്ച് പാലരുവി ചൂളംവിളിച്ചെത്തി; രണ്ടു പതിറ്റാണ്ടിന്റെ കാത്തിരിപ്പ് സഫലം ( വീഡിയോ)
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
