തിരുവനന്തപുരം: ഇന്ന് മുതല് സംസ്ഥാനത്ത് പൊലീസ് സ്റ്റേഷന് ഭരണം എസ്ഐമാര് ഏറ്റെടുക്കും. പൊലീസിനെ ജനകീയമാക്കാനുള്ള എന്റെ പൊലീസ് സ്റ്റേഷന് പദ്ധതിയുടെ ഭാഗമായാണ് മാറ്റം. പദ്ധതി മുഖ്യമന്ത്രി വി ഡി സതീശന് ഇന്ന് തിരുവനന്തപുരത്ത് ഉദ്ഘാടനം ചെയ്യും.സംസഥാനത്തെ പ്രധാനപ്പെട്ട 64 സ്റ്റേഷനുകളില് ഇന്സ്പെക്ടര്മാര് തന്നെയായിരുക്കും എസ്എച്ച്ഒമാരായി തുടരുക.
ഇന്ത്യയില് ആദ്യമായിട്ടായിരിക്കും പൊലീസ് സ്റ്റേഷന് കേന്ദ്രീകരിച്ചുള്ള പൊലീസ് പരിഷ്കരണത്തിന് ഇത്തരത്തില് നേതൃത്വം കൊടുക്കുന്നതെന്നും ജനങ്ങള്ക്ക് കൂടുതല് മെച്ചപ്പെട്ട സേവനങ്ങള് നല്കുകയാണ് ലക്ഷ്യമെന്നും ആഭ്യന്തര മന്ത്രി രമേശ് ചെന്നിത്തല പറഞ്ഞിരുന്നു.
കസ്റ്റഡി മര്ദ്ദനങ്ങളും അനധികൃത തടവുകളും പൂര്ണ്ണമായി ഒഴിവാക്കി ശാസ്ത്രീയമായ അന്വേഷണ രീതികള് നടപ്പിലാക്കുന്നതിനാണ് നീക്കം. ഉയര്ന്ന ഉദ്യോഗസ്ഥരടക്കം പൊതുജനങ്ങളോട് മാന്യമായി പെരുമാറുന്നതിനുള്ള പ്രത്യേക പരിശീലനം നല്കും. 20 വര്ഷം പിന്നിട്ട ജനമൈത്രി സുരക്ഷാ പദ്ധതി കൂടുതല് ആധുനികവല്ക്കരിക്കാനും തീരുമാനമുണ്ട്. പൊതുജനങ്ങളില് നിന്ന് പ്രതിമാസ അഭിപ്രായങ്ങള് സ്വീകരിക്കുന്നതിനായി ഡിഐജിമാരുടെ നേതൃത്വത്തില് സ്വതന്ത്ര സംവിധാനം വരും. പരാതികളുടെ എണ്ണം, എഫ്.ഐ.ആര് രജിസ്റ്റര് ചെയ്യല് എന്നിവ ഡി.ജി.പിയുടെ നേതൃത്വത്തില് ഡിജിറ്റലായി നിരീക്ഷിക്കുക തുടങ്ങിയവയാണ് നടപ്പാക്കുന്ന പ്രധാന മാറ്റങ്ങള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
