തിരൂര്: മലപ്പുറം തിരൂരിനടുത്ത് വൈലത്തൂര് ചിലവില് ഓട്ടമാറ്റിക് ഗേറ്റില് കുടുങ്ങി നാലാം ക്ലാസ് വിദ്യാര്ഥി മരിച്ചു. വൈലത്തൂര് ചിലവില് സ്വദേശി അബ്ദുള് ഗഫൂറിന്റെയും സജിലയുടെയും മകന് മുഹമ്മദ് സിനാന് (9) ആണ് മരിച്ചത്. തിരൂര് ആലിന് ചുവട് എംഇടി സെന്ട്രല് സ്കൂള് വിദ്യാര്ഥിയാണ് സിനാന്.
വൈകീട്ട് നാലു മണിയോടെയായിരുന്നു സംഭവം. പള്ളിയില് നിസ്കാരത്തിനായി പോകുമ്പോള് അയല്പക്കത്തെ റിമോട്ട് കണ്ട്രോള് ഗേറ്റ് തുറന്ന് അടക്കുമ്പോള് ഗേറ്റിനുള്ളില് കുടുങ്ങുകയായിരുന്നു. പരിക്കേറ്റ കുട്ടിയെ കോട്ടക്കല് സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
അപകടം നടന്ന വീട്ടില് ആരും ഉണ്ടായിരുന്നില്ല. സാങ്കേതികപരമായി എന്താണ് സംഭവിച്ചതെന്ന് വ്യക്തമല്ല. മൃതദേഹം വെള്ളിയാഴ്ച മഞ്ചേരി മെഡിക്കല് കോളജാശുപത്രിയില് പോസ്റ്റുമോര്ട്ട നടപടികള്ക്ക് ശേഷം ചിലവില് ജുമാ മസ്ജിദ് ഖബറിസ്ഥാനില് ഖബറടക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
