തൃശൂരില്‍ വാഹനാപകടത്തില്‍ മൂന്നു മരണം, ജോഹെയ്‌റി മോള ലോകസുന്ദരി, തൃശൂര്‍ ടൈറ്റന്‍സിന് കിരീടം; ഇന്നത്തെ 5 പ്രധാന വാര്‍ത്തകള്‍

തൃശൂര്‍ കുന്നംകുളത്തുണ്ടായ വാഹനാപകടത്തില്‍ ഒരു കുട്ടി ഉള്‍പ്പെടെ മൂന്നുപേര്‍ മരിച്ചു. ഡൊമിനിക്കന്‍ റിപ്പബ്ലിക്കിന്റെ ജോഹെയ്‌റി മോളയ്ക്ക് ലോകസുന്ദരിപ്പട്ടം. കേരള ക്രിക്കറ്റ് ലീഗില്‍ തൃശൂര്‍ ടൈറ്റന്‍സ് ചാംപ്യന്മാര്‍. ഇന്നത്തെ 5 പ്രധാന വാര്‍ത്തകള്‍ ( Top 5 News Today) അറിയാം.

തൃശൂരിലുണ്ടായ വാഹനാപകടത്തില്‍ മൂന്നു പേര്‍ മരിച്ചു. കുന്നംകുളം ആര്‍ത്താറ്റ് പള്ളിക്കുസമീപം കുറുക്കന്‍പാറ സെന്ററില്‍ കാര്‍ ബൈക്കില്‍ ഇടിച്ചായിരുന്നു അപകടം. മൂന്നുവയസ്സുള്ള കുട്ടി ഉള്‍പ്പെടെ ബൈക്ക് യാത്രികരായ മൂന്നുപേരാണ് മരിച്ചത്.

സംഘടനാ തലത്തില്‍ അഴിച്ചുപണി നടത്തി കോണ്‍ഗ്രസ് നേതൃത്വം. വിവിധ സംസ്ഥാന ചുമതലയുള്ള എഐസിസി ജനറല്‍ സെക്രട്ടറിമാര്‍ക്കാണ് മാറ്റം. പഞ്ചാബിന്റെ ചുമതലയില്‍ നിന്നും മുതിര്‍ന്ന നേതാവും ഛത്തീസ് ഗഡ് മുന്‍ മുഖ്യമന്ത്രിയുമായ ഭൂപേഷ് ബാഗേലിനെ മാറ്റി. പകരം സച്ചിന്‍ പൈലറ്റിന് പഞ്ചാബിന്റെ ചുമതല നല്‍കി. അടുത്ത വര്‍ഷം നിയമസഭ തെരഞ്ഞെടുപ്പ് നടക്കാനിരിക്കെയാണ് ചുമതല മാറ്റം.

2026ലെ ലോകസുന്ദരിപ്പട്ടം ഡൊമിനിക്കന്‍ റിപ്പബ്ലിക്കിന്റെ ജോഹെയ്റി മോള ഡൊമിംഗ്യൂസ് നേടി. വിയറ്റ്‌നാമില്‍ നടന്ന 73-ാമത് മിസ് വേള്‍ഡ് മത്സരത്തില്‍ സ്പെയിന്റെ എലിസബത്ത് റെയ്നസ് ഫസ്റ്റ് റണ്ണറപ്പും മലേഷ്യയുടെ താനുസിയ ചെട്ടി സെക്കന്‍ഡ് റണ്ണറപ്പുമായും തെരഞ്ഞെടുക്കപ്പെട്ടു. ലോകസുന്ദരിപ്പടം നേടിയ ജോഹെയ്റി മോളയെ മുന്‍ മിസ് വേള്‍ഡ് തായ്ലാന്‍ഡിന്റെ ഒപാല്‍ സുചാത ചുവാങ്ശ്രീ കിരീടമണിയിച്ചു. 

കാലിക്കറ്റ് ഗ്ലോബ്‌സ്റ്റാർസിനെ 4 വിക്കറ്റിന് വീഴ്ത്തി കേരള ക്രിക്കറ്റ് ലീഗ് കിരീടം തൃശൂർ ടൈറ്റൻസ് സ്വന്തമാക്കി. കാലിക്കറ്റ് ഉയർത്തിയ 168 റൺസ് വിജയലക്ഷ്യം മൂന്ന് പന്തുകൾ ബാക്കി നിൽക്കെ മറികടന്നാണ് തൃശൂർ കന്നി കിരീടമുയർത്തിയത്. അഹ്മദ് ഇമ്രാന്റെ തകർപ്പൻ അർധ സെഞ്ച്വറിയും ബാറ്റിങ്ങിലും ബൗളിങ്ങിലും തിളങ്ങിയ ക്യാപ്റ്റൻ എംഎസ് അഖിലിന്റെ ഓൾ റൗണ്ട് മികവുമാണ് തൃശൂരിന് അവിസ്മരണീയ വിജയമൊരുക്കിയത്. അഹ്മദ് ഇമ്രാനാണ് പ്ലെയർ ഓഫ് ദി മാച്ച്. 

നാളുകളായി കാത്തിരുന്ന ഒരു കാര്യത്തിൽ തീരുമാനമുണ്ടാകും. സാമ്പത്തികമായി ചെറിയൊരു നേട്ടം ലഭിക്കും. ജോലിയിൽ പുതിയ ഉത്തരവാദിത്തം ഏറ്റെടുക്കും. ആരോഗ്യം തൃപ്തികരമാണ്. ഒരു പ്രധാനപ്പെട്ട രേഖ കൈയിലെത്തും. വീട്ടിലെ ആവശ്യത്തിനായി പണം ചെലവാകും. മുതിർന്ന ഒരാളുടെ സഹായം ലഭിക്കും. ആഗ്രഹിച്ചിരുന്ന ഒരു സാധനം വാങ്ങാൻ അവസരം ലഭിക്കും.