തിരുവനന്തപുരം: തിരുവനന്തപുരം കോര്‍പ്പറേഷനിലെ ഇടത് കൗണ്‍സിലര്‍ അജിന്റെ വീട്ടില്‍ വിജിലന്‍സ് റെയ്ഡ്. ഭൂ ഉടമയില്‍ നിന്നും 10 ലക്ഷം കൈക്കൂലി ആവശ്യപ്പെട്ടിരുന്നുവെന്ന ആരോപണത്തിന് പിന്നാലെയാണ് റെയ്ഡ്. തൃക്കണ്ണാപുരം കൗണ്‍സിലറും കൗണ്‍സിലറും സിപിഎം പ്രാദേശിക നേതാവുമായ അജിന്‍ കൈക്കൂലി ആവശ്യപ്പെടുന്നതിന്റെ ദൃശ്യങ്ങള്‍ പുറത്ത് വന്നിരുന്നു.
തൃക്കണ്ണാപുരം എംഎല്‍എ റോഡില്‍ സഞ്ചുവെന്ന കരാറുകാരന്‍ ഏപ്രിലില്‍ 11 സെന്റ് വാങ്ങി കെട്ടിട നിര്‍മാണം തുടങ്ങി. പിന്നാലെ കൗണ്‍സിലര്‍ പണം ആവശ്യപ്പെട്ടു ഭീഷണി തുടങ്ങിയെന്നാണ് കരാറുകാരനായ സഞ്ജുവിന്റെ പരാതി. പുറംമ്പോക്ക് ഭൂമി കൈവശപ്പെടുത്തിയെന്നാരോപിച്ചായിരുന്നു ഭീഷണിപ്പെടുത്തല്‍. ഭൂമി വിറ്റയാളിനെയും ഭീഷണിപ്പെടുത്തുന്ന ശബ്ദരേഖയും പരാതിക്കാര്‍ പുറത്തുവിട്ടിരുന്നു.
കയ്യേറ്റത്തിനെതിരെ പരാതി കൊടുത്തതിന് പകവീട്ടുന്നുവെന്നായിരുന്നു അജിന്‍ പറയുന്നത്. മാത്രവുമല്ല അനുമതിയില്ലാതെയാണ് കെട്ടിട നിര്‍മാണം തുടങ്ങിയത്. താന്‍ പരാതി നല്‍കിയതിനാല്‍ സ്റ്റോപ്പ് മെമ്മോ നഗരസഭ നല്‍കിയെന്നും വ്യക്തമാക്കുന്നുണ്ട്. തിരുമല ലോക്കല്‍ കമ്മിറ്റി അംഗമാണ് അജിന്‍. കൗണ്‍സിലറുടെ രാജിയും വിജിലന്‍സ് അന്വേഷണവും ആവശ്യപ്പെടുകയാണ് ബിജെപിയും കോണ്‍ഗ്രസും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
