തിരുവനന്തപുരം: തീവ്രമഴയെത്തുടര്ന്നുള്ള പ്രളയത്തില് കഴക്കൂട്ടം സബ്സ്റ്റേഷന് പ്രവര്ത്തനം തടസ്സപ്പെട്ടു.കനത്ത മഴയെ തുടര്ന്ന് തിരുവനന്തപുരം, കഴക്കൂട്ടം 110 കെവി സബ്സ്റ്റേഷനു സമീപമുള്ള തെറ്റിയാര് തോട്ടില് നിന്നും വെള്ളം സബ്സ്റ്റേഷനിലേക്ക് കയറിക്കൊണ്ടിരിക്കുകയാണ്. സുരക്ഷാ നടപടികളുടെ ഭാഗമായി സബ്സ്റ്റേഷനില് നിന്നുള്ള കുഴിവിള , യൂണിവേഴ്സിറ്റി, ഓഷ്യാനസ് എന്നി 11 കെവി ഫീഡറുകള് സ്വിച്ച് ഓഫ് ചെയ്തിട്ടുണ്ട്. ഈ ഫീഡറുകള് വഴി വൈദ്യുതി വിതരണം ചെയ്തുകൊണ്ടിരിക്കുന്ന കഴക്കൂട്ടം, കുളത്തൂര്, ശ്രീകാര്യം സെക്ഷനുകളുടെ കീഴിലെ ചില പ്രദേശങ്ങളില് വൈദ്യുതി വിതരണം തടസ്സപ്പെട്ടതായി കെഎസ്ഇബി ഫെയ്സ്ബുക്കിലൂടെ അറിയിച്ചു.
ജലവിതാനം ഉയര്ന്നു കൊണ്ടിരിക്കുന്നതിനാല് കഴക്കൂട്ടം 110 കെവി സബ്സ്റ്റേഷന്റെ പ്രവര്ത്തനം പൂര്ണ്ണമായി നിര്ത്തിവയ്ക്കേണ്ടി വരുന്ന സാഹചര്യമാണ്. അങ്ങനെയെങ്കില് കഴക്കൂട്ടം, കാര്യവട്ടം, പാങ്ങപ്പാറ, ശ്രീകാര്യം തുടങ്ങിയ പ്രദേശങ്ങളിലാകെ വൈദ്യുതി വിതരണം പൂര്ണ്ണമായോ ഭാഗികമായോ മുടങ്ങാനിടയുണ്ട്. കൂടാതെ കഴക്കൂട്ടം സബ്സ്റ്റേഷനില് നിന്ന് വൈദ്യുതി എത്തുന്ന ടേള്സ്, മുട്ടത്തറ,വേളി എന്നീ സബ്സ്റ്റേഷനുകളുടെ പ്രവര്ത്തനവും പൂര്ണ്ണമായി തടസ്സപ്പെടാനിടയുണ്ടെന്നും കെഎസ്ഇബി മുന്നറിയിപ്പില് പറയുന്നു.
കുറിപ്പ്:
തീവ്രമഴയെത്തുടര്ന്നുള്ള പ്രളയത്തില് കഴക്കൂട്ടം സബ്സ്റ്റേഷന് പ്രവര്ത്തനം തടസ്സപ്പെട്ടു.
ഇന്നലെ രാത്രി മുതല് ആരംഭിച്ച കനത്ത മഴയെ തുടര്ന്ന് തിരുവനന്തപുരം, കഴക്കൂട്ടം 110 കെ.വി. സബ്സ്റ്റേഷനു സമീപമുള്ള തെറ്റിയാര് തോട്ടില് നിന്നും വെള്ളം സബ്സ്റ്റേഷനിലേക്ക് കയറിക്കൊണ്ടിരിക്കുകയാണ്. സുരക്ഷാ നടപടികളുടെ ഭാഗമായി സബ്സ്റ്റേഷനില് നിന്നുമുള്ള കുഴിവിള , യൂണിവേഴ്സിറ്റി, ഓഷ്യാനസ് എന്നീ 11 കെ.വി. ഫീഡറുകള് സ്വിച്ച് ഓഫ് ചെയ്തിട്ടുണ്ട്. തത്ഫലമായി, ഈ ഫീഡറുകള് വഴി വൈദ്യുതി വിതരണം ചെയ്തുകൊണ്ടിരിക്കുന്ന കഴക്കൂട്ടം, കുളത്തൂര്, ശ്രീകാര്യം സെക്ഷനുകളുടെ കീഴിലെ ചില പ്രദേശങ്ങളില് വൈദ്യുതി വിതരണം തടസ്സപ്പെട്ടിരിക്കുകയാണ്. മറ്റു മാര്ഗ്ഗങ്ങളിലൂടെ ഈ പ്രദേശങ്ങളില് വൈദ്യുതി എത്തിക്കാനുള്ള ശ്രമം തുടരുകയാണ്.
ജലവിതാനം ഉയര്ന്നു കൊണ്ടിരിക്കുന്നതിനാല് കഴക്കൂട്ടം 110 കെ.വി. സബ്സ്റ്റേഷന്റെ പ്രവര്ത്തനം പൂര്ണ്ണമായി നിര്ത്തിവയ്ക്കേണ്ടി വരുന്ന സാഹചര്യമാണ് സമാഗതമാകുന്നത്. അത്തരം സാഹചര്യത്തില് കഴക്കുട്ടം, കാര്യവട്ടം, പാങ്ങപ്പാറ, ശ്രീകാര്യം തുടങ്ങിയ പ്രദേശങ്ങളിലാകെ വൈദ്യുതി വിതരണം പൂര്ണ്ണമായോ ഭാഗികമായോ മുടങ്ങാനിടയുണ്ട്. കൂടാതെ കഴക്കൂട്ടം സബ്സ്റ്റേഷനില് നിന്ന് വൈദ്യുതി എത്തുന്ന ടേള്സ്, മുട്ടത്തറ,വേളി എന്നീ സബ്സ്റ്റേഷനുകളുടെ പ്രവര്ത്തനവും പൂര്ണ്ണമായി തടസ്സപ്പെടുന്ന സാഹചര്യമുണ്ട്.
പ്രതികൂല സാഹചര്യങ്ങളെല്ലാം അതിജീവിച്ച് വൈദ്യുതി വിതരണം പുനസ്ഥാപിക്കാനുള്ള കഠിനപ്രയത്നത്തിലാണ് കെ എസ് ഇ ബി ജീവനക്കാര്. ഉപഭോക്താക്കള്ക്ക് ഉണ്ടാകുന്ന ബുദ്ധിമുട്ടില് നിര്വ്യാജം ഖേദിക്കുന്നു.
സഹകരണം അഭ്യര്ത്ഥിക്കുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
