വിറങ്ങലിച്ച് വയനാട്; മരണം 135; സൂപ്പർ ഓവറിൽ ഇന്ത്യയ്ക്ക് തകർപ്പൻ വിജയം; ഇന്നത്തെ 5 പ്രധാന വാർത്തകൾ

വയനാട്ടിലുണ്ടായ കേരള ചരിത്രത്തിലെ തന്നെ ഏറ്റവും വലിയ ഉരുള്‍പൊട്ടല്‍ ദുരന്തത്തില്‍ വിറങ്ങലിച്ചു നിൽക്കുകയാണ് സംസ്ഥാനം. മരണസംഖ്യ ഇനിയും ഉയരുമെന്നാണ് സൂചന. രണ്ടാംദിനം രക്ഷാദൗത്യം പുനരാരംഭിച്ചിട്ടുണ്ട്.

വയനാട്ടിലെ ഉരുള്‍പൊട്ടല്‍ ദുരന്തത്തില്‍ 135 മരണങ്ങളാണ് സ്ഥിരീകരിച്ചിട്ടുള്ളത്. മരണസംഖ്യ ഇനിയും ഉയരുമെന്നാണ് റിപ്പോർട്ട് 98 പേരെ കാണാതായെന്നാണ് സര്‍ക്കാരിന്റെ ഔദ്യോഗിക കണക്ക്. തിരച്ചിൽ രാവിലെ പുനരാരംഭിച്ചിട്ടുണ്ട്

രാഹുല്‍ ഗാന്ധിയും പ്രിയങ്ക ഗാന്ധിയും ഇന്ന് വയനാട്ടിലെത്തില്ല. മോശം കാലാവസ്ഥയെത്തുടര്‍ന്നാണ് ഇരുവരുടേയും സന്ദര്‍ശനം മാറ്റിവെച്ചത്. എത്രയും വേഗം തങ്ങൾ വയനാട്ടിലെത്തുമെന്ന് രാഹുൽ ഗാന്ധി അറിയിച്ചിട്ടുണ്ട്

ശക്തമായ മഴതുടരുന്നതിനാല്‍ സംസ്ഥാനത്തെ 12 ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് ജില്ല കലക്ടര്‍മാര്‍ അവധി പ്രഖ്യാപിച്ചു. അങ്കണവാടികള്‍, മദ്രസകള്‍, ട്യൂഷന്‍ സെന്ററുകള്‍ എന്നിവക്കെല്ലാം അവധി ബാധകമാണ്

സംസ്ഥാനത്ത് ഇന്നും കനത്ത മഴ തുടരും. വടക്കന്‍ കേരളത്തില്‍ തീവ്രമഴയ്ക്ക് സാധ്യതയെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. അഞ്ചു ജില്ലകളില്‍ ഓറഞ്ച് അലര്‍ട്ട് പുറപ്പെടുവിച്ചിട്ടുണ്ട്

ശ്രീലങ്കയ്ക്കെതിരായ ടി20 പരമ്പരയിൽ ഇന്ത്യയ്ക്ക് സമ്പൂർണ വിജയം. മൂന്നാം മത്സരത്തിൽ സൂപ്പർ ഓവറിലാണ് ഇന്ത്യ വിജയിച്ചത്. നായകൻ സൂര്യകുമാർ നടത്തിയ ബൗളിങ്ങ് പരീക്ഷണങ്ങളാണ് വിജയമൊരുക്കിയത്