ന്യൂഡല്‍ഹി : ഓഖി ദുരന്തത്തില്‍പ്പെട്ടവരെ കണ്ടെത്താന്‍ കടലില്‍ തിരച്ചില്‍ തുടരണമെന്ന് മുഖ്യമന്ത്രി പിണറായി വിജയന്‍. കടലില്‍ തുറന്ന തിരച്ചില്‍ നടത്താന്‍ നാവികസേന ചില പ്രയാസങ്ങള്‍ ചൂണ്ടിക്കാട്ടിയിരുന്നു. ഈ സാഹചര്യത്തില്‍ തിരച്ചില്‍ തുടരണമെന്ന് പ്രതിരോധമന്ത്രി നിര്‍മ്മല സീതാരാമനോട് ആവശ്യപ്പെടുമെന്ന് മുഖ്യമന്ത്രി വ്യക്തമാക്കി. കടലില്‍ തെരച്ചില്‍ തുടരുകയും. ഒഴുകി നടക്കുന്ന ബോഡി ഉണ്ടെങ്കില്‍ അത് കണ്ടെത്തേണ്ടതും എടുക്കേണ്ടതുമാണ്. വരും ദിവസങ്ങളിലും നേവിയുടെ കപ്പല്‍ തിരച്ചില്‍ തുടരണം. ഇക്കാര്യം പ്രതിരോധമന്ത്രിയോട് ആവശ്യപ്പെടും. വൈകീട്ട് നാലുമണിക്കാണ് മുഖ്യമന്ത്രി നിര്‍മ്മല സീതാരാമനുമായി കൂടിക്കാഴ്ച നടത്തുന്നത്.
ഓഖി ദുരന്തത്തില്‍പ്പെട്ടവര്‍ക്ക് പ്രത്യേക പാക്കേജ് അനുവദിക്കണമെന്ന് ആവശ്യപ്പെട്ട് കേന്ദ്രആഭ്യന്തരമന്ത്രി രാജ്‌നാഥ് സിംഗിനെയും മുഖ്യമന്ത്രി ഇന്ന് കാണും. ചുഴലിക്കാറ്റില്‍ സര്‍വതും നഷ്ടപ്പെട്ടവര്‍ക്ക്, സുനാമി മാതൃകയില്‍ പ്രത്യേക പാക്കേജ് അനുവദിക്കണമെന്നാകും കേരളം ആവശ്യപ്പെടുക. ഓഖിയെ ദേശീയദുരന്തമായി പ്രഖ്യാപിക്കണം. 500 കോടിയുടെ അടിയന്തര സാമ്പത്തിക പാക്കേജ് അനുവദിക്കണം ഉള്‍പ്പെടെയുള്ള ആവശ്യങ്ങളും മുഖ്യമന്ത്രി ഉന്നയിക്കും.
ഡല്‍ഹിയില്‍ രാജ്‌നാഥ് സിംഗിന്റെ വസതിയില്‍ വൈകീട്ട് അഞ്ചരയ്ക്കാണ് കൂടിക്കാഴ്ച. സര്‍വകക്ഷിയോഗ തീരുമാനത്തിന്റെ അടിസ്ഥാനത്തിലാണ് കേന്ദ്രമന്ത്രിമാരുമായി കൂടിക്കാഴ്ച നടത്താന്‍ മുഖ്യമന്ത്രി എത്തിയത്. ഓഖി ദുരന്തത്തിന് ഇരയായവരെ സഹായിക്കുന്നതിന് സംസ്ഥാനത്ത് ഫണ്ട് സ്വരൂപിക്കാനും, ഇതിലേക്ക് രാഷ്ട്രീയപാര്‍ട്ടികളില്‍ നിന്നും ഉദ്യോഗസ്ഥരില്‍ നിന്നും സംഭാവന സ്വീകരിക്കാനും സര്‍വകക്ഷിയോഗത്തില്‍ തീരുമാനിച്ചിരുന്നു.
കടല്‍ഭിത്തി ഉടന്‍ നിര്‍മ്മിക്കുമെന്ന് ഉറപ്പ്; ചെല്ലാനം നിവാസികളുടെ സമരം ഒത്തുതീര്‍പ്പായി
അഴുകിയ മൃതദേഹമെടുക്കാന്‍ നാവിക സേനയ്ക്കു മടി; ശശി തരൂരിന്റെ ട്വീറ്റ് വിവാദത്തില്‍
ഓഖി ദുരന്തം: രക്ഷാപ്രവര്‍ത്തനം തൃപ്തികരമല്ലെന്ന് ആര്‍ച്ച് ബിഷപ്പ് സൂസപാക്യം
മത്സ്യത്തൊഴിലാളികള്‍ മുഖ്യമന്ത്രിയോടു ചെയ്തതു ശരിയായില്ല: വെള്ളാപ്പള്ളി നടേശന്‍
ഓഖി ചുഴലിക്കാറ്റ്: 51 മത്സ്യതൊഴിലാളികള്‍ കൊച്ചിയിലെത്തി; പിണറായി-രാജ്‌നാഥ് സിങ് കൂടിക്കാഴ്ച ഇന്ന്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
