കനത്ത മഴ: മൂന്ന് ജില്ലകളിലെ വിദ്യാലയങ്ങള്‍ക്ക് ഇന്ന് അവധി

ഇടുക്കി: മഴ ശക്തമായി തുടരുന്ന സാഹചര്യത്തില്‍ വയനാട്, പാലക്കാട്, ഇടുക്കി ജില്ലയിലെ ഏതാനും താലൂക്കുകള്‍ എന്നിവടങ്ങളിലെ വിദ്യാഭ്യാസ സ്ഥാപനങ്ങള്‍ക്ക് കളക്ടര്‍മാര്‍ അവധി പ്രഖ്യാപിച്ചു. കോഴിക്കോട് സര്‍വ്വകലാശാല ഇന്ന നടത്താനിരുന്ന അഫിലിയേറ്റഡ് കോളജുകളിലെ പിജി രണ്ടാം സെമസ്റ്റര്‍ റെഗുലര്‍/സപ്ലിമെന്റെറി/ ഇംപ്രൂവ്‌മെന്റ് പരീക്ഷ മാറ്റിവെച്ചു. മറ്റ് പരീക്ഷകള്‍ക്ക് മാറ്റമില്ല.

പാലക്കാട്, വയനാട് ജില്ലകളിലെ പ്രഫഷണല്‍ കോളജുകളും അംഗന്‍വാടികളും ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും ഇന്ന് അവധി പ്രഖ്യാപിച്ചിട്ടുണ്ട്. ഇടുക്കി ജില്ലയിലെ പീരുമേട്, ഉടുമ്പന്‍ചോല, ഇടുക്കി, ദേവികുളം തുടങ്ങിയ താലൂക്കുകളിലെ പ്രഫഷണല്‍ കോളജുകളും അംഗന്‍വാടികളും ഉള്‍പ്പെടെയുള്ള എല്ലാ സ്ഥാപനങ്ങള്‍ക്കുമാണ് ഇന്ന് അവധി പ്രഖ്യാപിച്ചത്.