കളിക്കുന്നതിനിടെ റെയിൽപാളത്തിലേക്ക് ഓടിക്കയറി; രണ്ടുവയസുകാരി‌ക്ക് ദാരുണാന്ത്യം

തിരൂർ: കളിക്കുന്നതിനിടെ റെയിൽ പാളത്തിലേക്ക് ഓടിക്കയറിയ രണ്ട് വയസുകാരിക്ക് തീവണ്ടി തട്ടി ദാരുണാന്ത്യം. തിരൂർ മുത്തൂർ സ്വദേശി തൈവളപ്പിൽ മരക്കാറിന്റെയും ഹൈറുന്നീസയുടെയും മകൾ ഷെൻസയാണ് മരിച്ചത്. ഇന്ന് രാവിലെ പത്തരയോടെയായിരുന്നു അപകടം.

റെയിൽ പാളത്തിന് സമീപമാണ് ഷെൻസയുടെ വീട്. തീവണ്ടി വരുന്നത് ശ്രദ്ധിക്കാതെ കുട്ടി പാളത്തിലേക്ക് ഓടിക്കയറിയ‌താണ് അപകടകാരണം. പാളത്തിന്റെ അറ്റകുറ്റപ്പണിക്കായെത്തിയ തീവണ്ടിക്ക് മുന്നിൽ അകപ്പെടുകയായിരുന്നു ഷെൻസ.