കൊച്ചി: ദിലീപ് അറസ്റ്റിലായ വാര്‍ത്തകള്‍ റിപ്പോര്‍ട്ട് ചെയ്യാന്‍ ചാനലുകള്‍ മത്സരിച്ചെന്ന് ആരോപിച്ച് താരങ്ങള്‍ ഓണത്തിന് ചാനല്‍ പരിപാടികള്‍ ബഹിഷ്‌കരിച്ചേക്കും. ചാനല്‍പരിപാടികളില്‍ പങ്കെടുക്കേണ്ടതില്ലെന്ന് താരങ്ങള്‍ അനൗദ്യോഗിക തീരുമാനം എടുത്തതായാണ് റിപ്പോര്‍ട്ടുകള്‍.
ഓണത്തിന് പുറത്തിറങ്ങുന്ന സിനിമകളുടെ പ്രചാരണത്തിന് ചാനലുകളില്‍ പോകേണ്ടതില്ലെന്നും താരങ്ങള്‍ തീരുമണാനിച്ചിട്ടുണ്ടെന്നു സൂചനകളുണ്ട്. അങ്ങനെ വരികയാണെങ്കില്‍ ചലച്ചിത്രങ്ങള്‍ മാത്രം പ്രക്ഷേപണം ചെയ്ത് ചാനലുകള്‍ക്ക് ഈ വര്‍ഷത്തെ ഓണം ആഘോഷിക്കേണ്ടിവരും.
നടി ആക്രമിക്കപ്പെട്ട സംഭവത്തിന്റെ പശ്ചാത്തലത്തില്‍ ചാനലുകളില്‍ നടക്കുന്ന ചര്‍ച്ചകളില്‍ പ്രമുഖതാരങ്ങളൊന്നും പങ്കെടുക്കുന്നില്ല. ഓണത്തിനും ഈ നിലപാട് തുടരുന്നതാണ് നല്ലതെന്നാണ് ഇവരുടെ അഭിപ്രായം. നടി ആക്രമിക്കപ്പെട്ട സംഭവവും തുടര്‍ന്ന് ചലച്ചിത്രസംഘടനകള്‍ ഉള്‍പ്പെടെ അകപ്പെട്ട വാര്‍ത്തകളും മറ്റും ജനങ്ങള്‍ക്കിടയില്‍ സിനിമാ രംഗത്തോടുള്ള പ്രതിപത്തി കുറച്ചിട്ടുണ്ടെന്നാണ് കാണിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
