തിരുവനന്തപുരം: പുതുവൈപ്പില്‍ ഐഒസിയുടെ എല്‍പിജി പ്ലാന്റിന്റെ നിര്‍മാണം നിര്‍ത്തിവയ്ക്കുമെന്ന് സമരക്കാര്‍ക്കു താന്‍ ഉറപ്പു നല്‍കിയിരുന്നില്ലെന്ന് മന്ത്രി മെഴ്‌സിക്കുട്ടിയമ്മ. തന്റെ നേതൃത്വത്തില്‍ നടത്തിയ ചര്‍ച്ചയില്‍ ഇത്തരമൊരു തീരുമാനം ഉണ്ടായിട്ടില്ല. ചര്‍ച്ചയിലെ തീരുമാനങ്ങള്‍ തെറ്റായി വ്യാഖ്യാനിക്കുകയായിരുന്നുവെന്ന് മന്ത്രി പറഞ്ഞു.
പ്ലാന്റ് നിര്‍മാണം നിര്‍ത്തിവയ്ക്കുമെന്ന് മന്ത്രി മെഴ്‌സിക്കുട്ടിയമ്മ ഉറപ്പു നല്‍കിയതായും അതു ലംഘിക്കപ്പെട്ടുവെന്നും സമരക്കാര്‍ ആരോപിച്ചിരുന്നു. ഉറപ്പു ലംഘിക്കപ്പെട്ട പശ്ചാത്തലത്തിലാണ് സമരം ശക്തമാക്കുന്നത് എന്നായിരുന്നു സമരക്കാരുടെ വാദം. ഈ പശ്ചാത്തലത്തിലാണ് വിശദീകരണവുമായി മന്ത്രി രംഗത്തെത്തിയിരിക്കുന്നത്.
സമരത്തെ അടിച്ചമര്‍ത്തുക എന്നത് സര്‍ക്കാരിന്റെ നയമല്ലെന്ന് മെഴ്‌സിക്കുട്ടിയമ്മ പറഞ്ഞു. പുതുവൈപ്പിലെ പൊലീസ് നടപടി തെറ്റാണെന്ന് മന്ത്രി അഭിപ്രായപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
