തിരുവനന്തപുരം: ശബരിമല പ്രവേശനത്തിനായെത്തിയ യുവതികളെ പൊലീസ് പിന്തിരിപ്പിക്കുന്നതിനെ ന്യായീകരിച്ച് ദേവസ്വം മന്ത്രി കടകംപള്ളി സുരേന്ദ്രന്‍. ഒരു വിഭാഗം ഭക്തജനങ്ങള്‍ പ്രകോപിതരാണ്. അവിടെ സംഘര്‍ഷം ഉണ്ടാവാതിരിക്കാനാണ് പൊലീസ് നോക്കുന്നതെന്നും കടകംപള്ളി മാധ്യമപ്രവര്‍ത്തകരോട് പറഞ്ഞു.
പൊലീസിന് യുവതികളെ കൊണ്ടുപോകാനാവില്ല. യുവതികളെ കാര്യം പറഞ്ഞ് ബോധ്യപ്പെടുത്താന്‍ ശ്രമിക്കുകയാണ്. പൊലീസിന് ഇവരെ പിന്തിരിപ്പിക്കേണ്ടി വരുമെന്നും മന്ത്രി കൂട്ടിച്ചേര്‍ത്തു.
നിരീക്ഷണ സമിതിയെ കുറിച്ച് പറഞ്ഞകാര്യങ്ങളില്‍ ഉറച്ച് നില്‍ക്കുകയാണെന്നും ശബരിമലയിലെ ശൗചാലയങ്ങളുടെ കണക്കെടുക്കാനല്ല അവരെ നിയോഗിച്ചതെന്നും മന്ത്രി പറഞ്ഞു. സമുന്നതരായ വ്യക്തികളാണ് അവര്‍. അവിടെയുണ്ടാകുന്ന ഗൗരവകരമായ പ്രശ്‌നങ്ങളില്‍ സര്‍ക്കാരിനെ ഉപദേശിക്കേണ്ടതുണ്ടെന്നും അദ്ദേഹം കൂട്ടിച്ചേര്‍ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
