മുഖ്യമന്ത്രിയെ ഗവര്ണര് വിളിച്ചുവരുത്തിയതില് തെറ്റില്ലെന്ന് സ്പീക്കര്; ഗവര്ണറുടേത് സൗഹാര്ദ്ദപരമായ നടപടി
തിരുവനന്തപുരം: മുഖ്യമന്ത്രി പിണറായി വിജയനെ ഗവര്ണര് പി.സദാശിവം വിളിച്ചു വരുത്തിയതില് തെറ്റില്ലെന്ന് സ്പീക്കര് പി.ശ്രീരാമകൃഷ്ണന്. ഒരു സ്ഥാപനം മറ്റൊന്നിന് മേല് അധികാരം സ്ഥാപിച്ചതായി കാണേണ്ടതില്ലെന്ന് സ്പീക്കര് പറഞ്ഞു.
സൗഹാര്ദ്ദപരമായിരുന്നു ഗവര്ണറുടെ നടപടി. ജനാധിപത്യ വ്യവസ്ഥയില് ഇത്തരം സൗഹൃദങ്ങള് നല്ലതാണെന്നും സ്പീക്കര് വ്യക്തമാക്കി. അതിനിടെ മുഖ്യമന്ത്രിയെ വിളിച്ചു വരുത്തിയതായുള്ള ഗവര്ണറുടെ ട്വീറ്റിനെ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് വിമര്ശിച്ചിരുന്നു.
ഗവര്ണര്ക്ക് ഉപദേശകന്റെ റോള് മാത്രമാണ് ഉള്ളതെന്നും, ഭരണഘടനാ വിരുദ്ധമായി ഭരിക്കാന് ആര് ശ്രമിച്ചാലും സംസ്ഥാന സര്ക്കാര് അത് അനുവദിക്കില്ലെന്നുമായിരുന്നു ദേശാഭിമാനിയില് എഴുതിയ ലേഖനത്തില് കോടിയേരി വ്യക്തമാക്കിയിരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
