ഇസ്ലാമാബാദ്: പാകിസ്ഥാന്റെ പതിമൂന്നാം പ്രസിഡന്റായി തെഹ്രീക് ഇ ഇന്സാഫ് സ്ഥാനാര്ത്ഥി ആരിഫ് ഉര് റഹ്മാന് അല്വി തിരഞ്ഞെടുക്കപ്പെട്ടു. പാക്കിസ്ഥാന് ദേശീയ സഭയിലും സെനറ്റിലുമായി നടന്ന വോട്ടെടുപ്പില് ഭൂരിപക്ഷം സ്വന്തമാക്കിയാണ് അല്വി പ്രസിഡന്റ് സ്ഥാനത്തേക്ക് എത്തുന്നത്.
പിഎംഎല് പിന്തുണയുണ്ടായിരുന്ന ഫസല് ഉല് റഹ്മാനെക്കാള് ഇരട്ടിയിലധികം വോട്ടുകളാണ് അല്വി നേടിയത്. നാഷ്ണല് അസംബ്ലിയിലും സെനറ്റിലുമായി പോള് ചെയ്ത 430 വോട്ടുകളില് 212 ഉം അല്വി പെട്ടിയിലാക്കി.131 വോട്ടുകള് റഹ്മാനും 81 വോട്ടുകള് ഹസനും നേടി. ബലൂചിസ്ഥാന് അസംബ്ലിയിലും അല്വി ആധിപത്യം പുലര്ത്തി 60 വോട്ടുകളില് 45 വോട്ടുകളാണ് ഇവിടെ നിന്ന് മാത്രം നേടിയത്.
2006 മുതല് 2013 വരെ തെഹ് രീകെ ഇന്സാഫ് പാര്ട്ടിയുടെ ജനറല് സെക്രട്ടറിയായിരുന്നു ദന്ത ഡോക്ടര് കൂടിയായ ആരിഫ് ആല്വി. ഇക്കഴിഞ്ഞ ജൂലൈയില് നടന്ന തിരഞ്ഞെടുപ്പില് കറാച്ചിയില് നിന്ന് ദേശീയ സഭയിലേക്ക് അദ്ദേഹം തിരഞ്ഞെടക്കപ്പെട്ടിരുന്നു.
നിലവിലെ പ്രസിഡന്റ് ആയ മംമ്നൂന് ഹുസൈന്റെ കാലാവധി ശനിയാഴ്ച പൂര്ത്തിയാവും. ഞായറാഴ്ചയാണ് അല്വി സത്യപ്രതിജ്ഞ ചെയ്ത് ചുമതലയേല്ക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
