'പേര്: മെസി, റൊണാൾഡോ, നെയ്മർ, എംബാപ്പെ... നക്ഷത്രം: അറിയില്ല: ഒരു പുഷ്പാഞ്ജലി!'

കൽപ്പറ്റ: പിതൃക്കളുടെ മോക്ഷ പ്രാപ്തിക്കായുള്ള ബലി തർപ്പണത്തിന് പ്രിസിദ്ധി കേട്ട വയനാട്ടിലെ തിരുനെല്ലി ക്ഷേത്രത്തിൽ സൂപ്പർ താരങ്ങളായ ലയണൽ മെസി, ക്രിസ്റ്റ്യാനോ റൊണാൾഡോ, നെയ്മർ, കിലിയൻ എംബാപ്പെ എന്നിവരുടെ പേരിൽ വഴിപാട് കഴിച്ച് ഫുട്ബോൾ ആരാധകനായ ഭക്തൻ. നാല് പേരുടെ പേരിലും സൂക്ത പുഷ്പാഞ്ജലിയാണ് കഴിപ്പിച്ചത്.

ഒരു പുഷ്പാഞ്ജലിക്ക് 15 രൂപയാണ് വഴിപാട് നിരക്ക്. നാല് താരങ്ങളുടേയും പേര് ഒറ്റ രസീതിയിൽ അടിച്ച് 60 രൂപയാണ് ഭക്തൻ കൈമാറിയത്.

കാര്യ സാധ്യത്തിനു വേണ്ടി നടത്തുന്ന പ്രധാന വഴിപാടുകളിലൊന്നാണ് സൂക്ത പുഷ്പാഞ്ജലി. ശനിയാഴ്ച രാവിലെ 10.30 ഓടെയാണ് വഴിപാട് രസീതിയാക്കിയത്. വഴിപാട് കഴിപ്പിച്ചതാരാണെന്നു വ്യക്തമല്ല. വഴിപാട് രസീതി സമൂഹ മാധ്യമങ്ങളിൽ പ്രചരിച്ചിരുന്നു. ഇക്കാര്യം ദേവസ്വം അധികൃതരും സ്ഥിരീകരിച്ചിട്ടുണ്ട്.